चौपाई
सुनि प्रभु बचन जोरि जुग पानी। धरि धीरजु बोली मृदु बानी।।
नाथ देखि पद कमल तुम्हारे। अब पूरे सब काम हमारे।।
एक लालसा बड़ि उर माही। सुगम अगम कहि जात सो नाहीं।।
तुम्हहि देत अति सुगम गोसाईं। अगम लाग मोहि निज कृपनाईं।।
जथा दरिद्र बिबुधतरु पाई। बहु संपति मागत सकुचाई।।
तासु प्रभा जान नहिं सोई। तथा हृदयँ मम संसय होई।।
सो तुम्ह जानहु अंतरजामी। पुरवहु मोर मनोरथ स्वामी।।
सकुच बिहाइ मागु नृप मोहि। मोरें नहिं अदेय कछु तोही।।
दोहा/सोरठा
दानि सिरोमनि कृपानिधि नाथ कहउँ सतिभाउ।।
चाहउँ तुम्हहि समान सुत प्रभु सन कवन दुराउ।।149।।
चौपाई
देखि प्रीति सुनि बचन अमोले। एवमस्तु करुनानिधि बोले।।
आपु सरिस खोजौं कहँ जाई। नृप तव तनय होब मैं आई।।
सतरूपहि बिलोकि कर जोरें। देबि मागु बरु जो रुचि तोरे।।
जो बरु नाथ चतुर नृप मागा। सोइ कृपाल मोहि अति प्रिय लागा।।
प्रभु परंतु सुठि होति ढिठाई। जदपि भगत हित तुम्हहि सोहाई।।
तुम्ह ब्रह्मादि जनक जग स्वामी। ब्रह्म सकल उर अंतरजामी।।
अस समुझत मन संसय होई। कहा जो प्रभु प्रवान पुनि सोई।।
जे निज भगत नाथ तव अहहीं। जो सुख पावहिं जो गति लहहीं।।
दोहा/सोरठा
सोइ सुख सोइ गति सोइ भगति सोइ निज चरन सनेहु।।
सोइ बिबेक सोइ रहनि प्रभु हमहि कृपा करि देहु।।150।।
चौपाई
suni prabhu bacana jōri juga pānī. dhari dhīraju bōlī mṛdu bānī..
nātha dēkhi pada kamala tumhārē. aba pūrē saba kāma hamārē..
ēka lālasā baḍai ura māhī. sugama agama kahi jāta sō nāhīṃ..
tumhahi dēta ati sugama gōsāīṃ. agama lāga mōhi nija kṛpanāīṃ..
jathā daridra bibudhataru pāī. bahu saṃpati māgata sakucāī..
tāsu prabhā jāna nahiṃ sōī. tathā hṛdayaom mama saṃsaya hōī..
sō tumha jānahu aṃtarajāmī. puravahu mōra manōratha svāmī..
sakuca bihāi māgu nṛpa mōhi. mōrēṃ nahiṃ adēya kachu tōhī..
चौपाई
dēkhi prīti suni bacana amōlē. ēvamastu karunānidhi bōlē..
āpu sarisa khōjauṃ kahaom jāī. nṛpa tava tanaya hōba maiṃ āī..
satarūpahi bilōki kara jōrēṃ. dēbi māgu baru jō ruci tōrē..
jō baru nātha catura nṛpa māgā. sōi kṛpāla mōhi ati priya lāgā..
prabhu paraṃtu suṭhi hōti ḍhiṭhāī. jadapi bhagata hita tumhahi sōhāī..
tumha brahmādi janaka jaga svāmī. brahma sakala ura aṃtarajāmī..
asa samujhata mana saṃsaya hōī. kahā jō prabhu pravāna puni sōī..
jē nija bhagata nātha tava ahahīṃ. jō sukha pāvahiṃ jō gati lahahīṃ..
