चौपाई
सुनु मृदु गूढ़ रुचिर बर रचना। कृपासिंधु बोले मृदु बचना।।
जो कछु रुचि तुम्हेर मन माहीं। मैं सो दीन्ह सब संसय नाहीं।।
मातु बिबेक अलोकिक तोरें। कबहुँ न मिटिहि अनुग्रह मोरें ।
बंदि चरन मनु कहेउ बहोरी। अवर एक बिनति प्रभु मोरी।।
सुत बिषइक तव पद रति होऊ। मोहि बड़ मूढ़ कहै किन कोऊ।।
मनि बिनु फनि जिमि जल बिनु मीना। मम जीवन तिमि तुम्हहि अधीना।।
अस बरु मागि चरन गहि रहेऊ। एवमस्तु करुनानिधि कहेऊ।।
अब तुम्ह मम अनुसासन मानी। बसहु जाइ सुरपति रजधानी।।
दोहा/सोरठा
तहँ करि भोग बिसाल तात गउँ कछु काल पुनि।
होइहहु अवध भुआल तब मैं होब तुम्हार सुत।।151।।
चौपाई
इच्छामय नरबेष सँवारें। होइहउँ प्रगट निकेत तुम्हारे।।
अंसन्ह सहित देह धरि ताता। करिहउँ चरित भगत सुखदाता।।
जे सुनि सादर नर बड़भागी। भव तरिहहिं ममता मद त्यागी।।
आदिसक्ति जेहिं जग उपजाया। सोउ अवतरिहि मोरि यह माया।।
पुरउब मैं अभिलाष तुम्हारा। सत्य सत्य पन सत्य हमारा।।
पुनि पुनि अस कहि कृपानिधाना। अंतरधान भए भगवाना।।
दंपति उर धरि भगत कृपाला। तेहिं आश्रम निवसे कछु काला।।
समय पाइ तनु तजि अनयासा। जाइ कीन्ह अमरावति बासा।।
दोहा/सोरठा
यह इतिहास पुनीत अति उमहि कही बृषकेतु।
भरद्वाज सुनु अपर पुनि राम जनम कर हेतु।।152।।
चौपाई
sunu mṛdu gūḍha rucira bara racanā. kṛpāsiṃdhu bōlē mṛdu bacanā..
jō kachu ruci tumhēra mana māhīṃ. maiṃ sō dīnha saba saṃsaya nāhīṃ..
mātu bibēka alōkika tōrēṃ. kabahuom na miṭihi anugraha mōrēṃ .
baṃdi carana manu kahēu bahōrī. avara ēka binati prabhu mōrī..
suta biṣaika tava pada rati hōū. mōhi baḍa mūḍha kahai kina kōū..
mani binu phani jimi jala binu mīnā. mama jīvana timi tumhahi adhīnā..
asa baru māgi carana gahi rahēū. ēvamastu karunānidhi kahēū..
aba tumha mama anusāsana mānī. basahu jāi surapati rajadhānī..
चौपाई
icchāmaya narabēṣa saomvārēṃ. hōihauom pragaṭa nikēta tumhārē..
aṃsanha sahita dēha dhari tātā. karihauom carita bhagata sukhadātā..
jē suni sādara nara baḍabhāgī. bhava tarihahiṃ mamatā mada tyāgī..
ādisakti jēhiṃ jaga upajāyā. sōu avatarihi mōri yaha māyā..
purauba maiṃ abhilāṣa tumhārā. satya satya pana satya hamārā..
puni puni asa kahi kṛpānidhānā. aṃtaradhāna bhaē bhagavānā..
daṃpati ura dhari bhagata kṛpālā. tēhiṃ āśrama nivasē kachu kālā..
samaya pāi tanu taji anayāsā. jāi kīnha amarāvati bāsā..
