चौपाई
सुनत सभय मन मुख मुसुकाई। कहत दसानन सबहि सुनाई।।
भूमि परा कर गहत अकासा। लघु तापस कर बाग बिलासा।।
कह सुक नाथ सत्य सब बानी। समुझहु छाड़ि प्रकृति अभिमानी।।
सुनहु बचन मम परिहरि क्रोधा। नाथ राम सन तजहु बिरोधा।।
अति कोमल रघुबीर सुभाऊ। जद्यपि अखिल लोक कर राऊ।।
मिलत कृपा तुम्ह पर प्रभु करिही। उर अपराध न एकउ धरिही।।
जनकसुता रघुनाथहि दीजे। एतना कहा मोर प्रभु कीजे।
जब तेहिं कहा देन बैदेही। चरन प्रहार कीन्ह सठ तेही।।
नाइ चरन सिरु चला सो तहाँ। कृपासिंधु रघुनायक जहाँ।।
करि प्रनामु निज कथा सुनाई। राम कृपाँ आपनि गति पाई।।
रिषि अगस्ति कीं साप भवानी। राछस भयउ रहा मुनि ग्यानी।।
बंदि राम पद बारहिं बारा। मुनि निज आश्रम कहुँ पगु धारा।।
दोहा/सोरठा
बिनय न मानत जलधि जड़ गए तीन दिन बीति।
बोले राम सकोप तब भय बिनु होइ न प्रीति।।57।।
चौपाई
लछिमन बान सरासन आनू। सोषौं बारिधि बिसिख कृसानू।।
सठ सन बिनय कुटिल सन प्रीती। सहज कृपन सन सुंदर नीती।।
ममता रत सन ग्यान कहानी। अति लोभी सन बिरति बखानी।।
क्रोधिहि सम कामिहि हरि कथा। ऊसर बीज बएँ फल जथा।।
अस कहि रघुपति चाप चढ़ावा। यह मत लछिमन के मन भावा।।
संघानेउ प्रभु बिसिख कराला। उठी उदधि उर अंतर ज्वाला।।
मकर उरग झष गन अकुलाने। जरत जंतु जलनिधि जब जाने।।
कनक थार भरि मनि गन नाना। बिप्र रूप आयउ तजि माना।।
दोहा/सोरठा
काटेहिं पइ कदरी फरइ कोटि जतन कोउ सींच।
बिनय न मान खगेस सुनु डाटेहिं पइ नव नीच।।58।।
चौपाई
sunata sabhaya mana mukha musukāī. kahata dasānana sabahi sunāī..
bhūmi parā kara gahata akāsā. laghu tāpasa kara bāga bilāsā..
kaha suka nātha satya saba bānī. samujhahu chāḍai prakṛti abhimānī..
sunahu bacana mama parihari krōdhā. nātha rāma sana tajahu birōdhā..
ati kōmala raghubīra subhāū. jadyapi akhila lōka kara rāū..
milata kṛpā tumha para prabhu karihī. ura aparādha na ēkau dharihī..
janakasutā raghunāthahi dījē. ētanā kahā mōra prabhu kījē.
jaba tēhiṃ kahā dēna baidēhī. carana prahāra kīnha saṭha tēhī..
nāi carana siru calā sō tahāom. kṛpāsiṃdhu raghunāyaka jahāom..
kari pranāmu nija kathā sunāī. rāma kṛpāom āpani gati pāī..
riṣi agasti kīṃ sāpa bhavānī. rāchasa bhayau rahā muni gyānī..
baṃdi rāma pada bārahiṃ bārā. muni nija āśrama kahuom pagu dhārā..
चौपाई
lachimana bāna sarāsana ānū. sōṣauṃ bāridhi bisikha kṛsānū..
saṭha sana binaya kuṭila sana prītī. sahaja kṛpana sana suṃdara nītī..
mamatā rata sana gyāna kahānī. ati lōbhī sana birati bakhānī..
krōdhihi sama kāmihi hari kathā. ūsara bīja baēom phala jathā..
asa kahi raghupati cāpa caḍhaāvā. yaha mata lachimana kē mana bhāvā..
saṃghānēu prabhu bisikha karālā. uṭhī udadhi ura aṃtara jvālā..
makara uraga jhaṣa gana akulānē. jarata jaṃtu jalanidhi jaba jānē..
kanaka thāra bhari mani gana nānā. bipra rūpa āyau taji mānā..
