चौपाई
ए कपि सब सुग्रीव समाना। इन्ह सम कोटिन्ह गनइ को नाना।।
राम कृपाँ अतुलित बल तिन्हहीं। तृन समान त्रेलोकहि गनहीं।।
अस मैं सुना श्रवन दसकंधर। पदुम अठारह जूथप बंदर।।
नाथ कटक महँ सो कपि नाहीं। जो न तुम्हहि जीतै रन माहीं।।
परम क्रोध मीजहिं सब हाथा। आयसु पै न देहिं रघुनाथा।।
सोषहिं सिंधु सहित झष ब्याला। पूरहीं न त भरि कुधर बिसाला।।
मर्दि गर्द मिलवहिं दससीसा। ऐसेइ बचन कहहिं सब कीसा।।
गर्जहिं तर्जहिं सहज असंका। मानहु ग्रसन चहत हहिं लंका।।
दोहा/सोरठा
-सहज सूर कपि भालु सब पुनि सिर पर प्रभु राम।
रावन काल कोटि कहु जीति सकहिं संग्राम।।55।।
चौपाई
राम तेज बल बुधि बिपुलाई। सेष सहस सत सकहिं न गाई।।
सक सर एक सोषि सत सागर। तब भ्रातहि पूँछेउ नय नागर।।
तासु बचन सुनि सागर पाहीं। मागत पंथ कृपा मन माहीं।।
सुनत बचन बिहसा दससीसा। जौं असि मति सहाय कृत कीसा।।
सहज भीरु कर बचन दृढ़ाई। सागर सन ठानी मचलाई।।
मूढ़ मृषा का करसि बड़ाई। रिपु बल बुद्धि थाह मैं पाई।।
सचिव सभीत बिभीषन जाकें। बिजय बिभूति कहाँ जग ताकें।।
सुनि खल बचन दूत रिस बाढ़ी। समय बिचारि पत्रिका काढ़ी।।
रामानुज दीन्ही यह पाती। नाथ बचाइ जुड़ावहु छाती।।
बिहसि बाम कर लीन्ही रावन। सचिव बोलि सठ लाग बचावन।।
दोहा/सोरठा
बातन्ह मनहि रिझाइ सठ जनि घालसि कुल खीस।
राम बिरोध न उबरसि सरन बिष्नु अज ईस।।56(क)।।
की तजि मान अनुज इव प्रभु पद पंकज भृंग।
होहि कि राम सरानल खल कुल सहित पतंग।।56(ख)।।
चौपाई
ē kapi saba sugrīva samānā. inha sama kōṭinha ganai kō nānā..
rāma kṛpāom atulita bala tinhahīṃ. tṛna samāna trēlōkahi ganahīṃ..
asa maiṃ sunā śravana dasakaṃdhara. paduma aṭhāraha jūthapa baṃdara..
nātha kaṭaka mahaom sō kapi nāhīṃ. jō na tumhahi jītai rana māhīṃ..
parama krōdha mījahiṃ saba hāthā. āyasu pai na dēhiṃ raghunāthā..
sōṣahiṃ siṃdhu sahita jhaṣa byālā. pūrahīṃ na ta bhari kudhara bisālā..
mardi garda milavahiṃ dasasīsā. aisēi bacana kahahiṃ saba kīsā..
garjahiṃ tarjahiṃ sahaja asaṃkā. mānahu grasana cahata hahiṃ laṃkā..
चौपाई
rāma tēja bala budhi bipulāī. taba bhrātahi pūomchēu naya nāgara..
tāsu bacana suni sāgara pāhīṃ. māgata paṃtha kṛpā mana māhīṃ..
sunata bacana bihasā dasasīsā. jauṃ asi mati sahāya kṛta kīsā..
sahaja bhīru kara bacana dṛḍhaāī. sāgara sana ṭhānī macalāī..
mūḍha mṛṣā kā karasi baḍaāī. ripu bala buddhi thāha maiṃ pāī..
saciva sabhīta bibhīṣana jākēṃ. bijaya bibhūti kahāom jaga tākēṃ..
suni khala bacana dūta risa bāḍhaī. samaya bicāri patrikā kāḍhaī..
rāmānuja dīnhī yaha pātī. nātha bacāi juḍaāvahu chātī..
bihasi bāma kara līnhī rāvana. saciva bōli saṭha lāga bacāvana..
