चौपाई
सुनु रावन परिहरि चतुराई। भजसि न कृपासिंधु रघुराई।।
जौ खल भएसि राम कर द्रोही। ब्रह्म रुद्र सक राखि न तोही।।
मूढ़ बृथा जनि मारसि गाला। राम बयर अस होइहि हाला।।
तव सिर निकर कपिन्ह के आगें। परिहहिं धरनि राम सर लागें।।
ते तव सिर कंदुक सम नाना। खेलहहिं भालु कीस चौगाना।।
जबहिं समर कोपहि रघुनायक। छुटिहहिं अति कराल बहु सायक।।
तब कि चलिहि अस गाल तुम्हारा। अस बिचारि भजु राम उदारा।।
सुनत बचन रावन परजरा। जरत महानल जनु घृत परा।।
दोहा/सोरठा
कुंभकरन अस बंधु मम सुत प्रसिद्ध सक्रारि।
मोर पराक्रम नहिं सुनेहि जितेउँ चराचर झारि।।27।।
चौपाई
सठ साखामृग जोरि सहाई। बाँधा सिंधु इहइ प्रभुताई।।
नाघहिं खग अनेक बारीसा। सूर न होहिं ते सुनु सब कीसा।।
मम भुज सागर बल जल पूरा। जहँ बूड़े बहु सुर नर सूरा।।
बीस पयोधि अगाध अपारा। को अस बीर जो पाइहि पारा।।
दिगपालन्ह मैं नीर भरावा। भूप सुजस खल मोहि सुनावा।।
जौं पै समर सुभट तव नाथा। पुनि पुनि कहसि जासु गुन गाथा।।
तौ बसीठ पठवत केहि काजा। रिपु सन प्रीति करत नहिं लाजा।।
हरगिरि मथन निरखु मम बाहू। पुनि सठ कपि निज प्रभुहि सराहू।।
दोहा/सोरठा
सूर कवन रावन सरिस स्वकर काटि जेहिं सीस।
हुने अनल अति हरष बहु बार साखि गौरीस।।28।।
चौपाई
sunu rāvana parihari caturāī. bhajasi na kṛpāsiṃdhu raghurāī..
jau khala bhaēsi rāma kara drōhī. brahma rudra saka rākhi na tōhī..
mūḍha bṛthā jani mārasi gālā. rāma bayara asa hōihi hālā..
tava sira nikara kapinha kē āgēṃ. parihahiṃ dharani rāma sara lāgēṃ..
tē tava sira kaṃduka sama nānā. khēlahahiṃ bhālu kīsa caugānā..
jabahiṃ samara kōpahi raghunāyaka. chuṭihahiṃ ati karāla bahu sāyaka..
taba ki calihi asa gāla tumhārā. asa bicāri bhaju rāma udārā..
sunata bacana rāvana parajarā. jarata mahānala janu ghṛta parā..
चौपाई
saṭha sākhāmṛga jōri sahāī. bāomdhā siṃdhu ihai prabhutāī..
nāghahiṃ khaga anēka bārīsā. sūra na hōhiṃ tē sunu saba kīsā..
mama bhuja sāgara bala jala pūrā. jahaom būḍaē bahu sura nara sūrā..
bīsa payōdhi agādha apārā. kō asa bīra jō pāihi pārā..
digapālanha maiṃ nīra bharāvā. bhūpa sujasa khala mōhi sunāvā..
jauṃ pai samara subhaṭa tava nāthā. puni puni kahasi jāsu guna gāthā..
tau basīṭha paṭhavata kēhi kājā. ripu sana prīti karata nahiṃ lājā..
haragiri mathana nirakhu mama bāhū. puni saṭha kapi nija prabhuhi sarāhū..
