चौपाई
सुनु सठ सोइ रावन बलसीला। हरगिरि जान जासु भुज लीला।।
जान उमापति जासु सुराई। पूजेउँ जेहि सिर सुमन चढ़ाई।।
सिर सरोज निज करन्हि उतारी। पूजेउँ अमित बार त्रिपुरारी।।
भुज बिक्रम जानहिं दिगपाला। सठ अजहूँ जिन्ह कें उर साला।।
जानहिं दिग्गज उर कठिनाई। जब जब भिरउँ जाइ बरिआई।।
जिन्ह के दसन कराल न फूटे। उर लागत मूलक इव टूटे।।
जासु चलत डोलति इमि धरनी। चढ़त मत्त गज जिमि लघु तरनी।।
सोइ रावन जग बिदित प्रतापी। सुनेहि न श्रवन अलीक प्रलापी।।
दोहा/सोरठा
तेहि रावन कहँ लघु कहसि नर कर करसि बखान।
रे कपि बर्बर खर्ब खल अब जाना तव ग्यान।।25।।
चौपाई
सुनि अंगद सकोप कह बानी। बोलु सँभारि अधम अभिमानी।।
सहसबाहु भुज गहन अपारा। दहन अनल सम जासु कुठारा।।
जासु परसु सागर खर धारा। बूड़े नृप अगनित बहु बारा।।
तासु गर्ब जेहि देखत भागा। सो नर क्यों दससीस अभागा।।
राम मनुज कस रे सठ बंगा। धन्वी कामु नदी पुनि गंगा।।
पसु सुरधेनु कल्पतरु रूखा। अन्न दान अरु रस पीयूषा।।
बैनतेय खग अहि सहसानन। चिंतामनि पुनि उपल दसानन।।
सुनु मतिमंद लोक बैकुंठा। लाभ कि रघुपति भगति अकुंठा।।
दोहा/सोरठा
सेन सहित तब मान मथि बन उजारि पुर जारि।।
कस रे सठ हनुमान कपि गयउ जो तव सुत मारि।।26।।
चौपाई
sunu saṭha sōi rāvana balasīlā. haragiri jāna jāsu bhuja līlā..
jāna umāpati jāsu surāī. pūjēuom jēhi sira sumana caḍhaāī..
sira sarōja nija karanhi utārī. pūjēuom amita bāra tripurārī..
bhuja bikrama jānahiṃ digapālā. saṭha ajahūom jinha kēṃ ura sālā..
jānahiṃ diggaja ura kaṭhināī. jaba jaba bhirauom jāi bariāī..
jinha kē dasana karāla na phūṭē. ura lāgata mūlaka iva ṭūṭē..
jāsu calata ḍōlati imi dharanī. caḍhata matta gaja jimi laghu taranī..
sōi rāvana jaga bidita pratāpī. sunēhi na śravana alīka pralāpī..
चौपाई
suni aṃgada sakōpa kaha bānī. bōlu saombhāri adhama abhimānī..
sahasabāhu bhuja gahana apārā. dahana anala sama jāsu kuṭhārā..
jāsu parasu sāgara khara dhārā. būḍaē nṛpa aganita bahu bārā..
tāsu garba jēhi dēkhata bhāgā. sō nara kyōṃ dasasīsa abhāgā..
rāma manuja kasa rē saṭha baṃgā. dhanvī kāmu nadī puni gaṃgā..
pasu suradhēnu kalpataru rūkhā. anna dāna aru rasa pīyūṣā..
bainatēya khaga ahi sahasānana. ciṃtāmani puni upala dasānana..
sunu matimaṃda lōka baikuṃṭhā. lābha ki raghupati bhagati akuṃṭhā..
