चौपाई
सुखी मीन जे नीर अगाधा। जिमि हरि सरन न एकउ बाधा।।
फूलें कमल सोह सर कैसा। निर्गुन ब्रम्ह सगुन भएँ जैसा।।
गुंजत मधुकर मुखर अनूपा। सुंदर खग रव नाना रूपा।।
चक्रबाक मन दुख निसि पैखी। जिमि दुर्जन पर संपति देखी।।
चातक रटत तृषा अति ओही। जिमि सुख लहइ न संकरद्रोही।।
सरदातप निसि ससि अपहरई। संत दरस जिमि पातक टरई।।
देखि इंदु चकोर समुदाई। चितवतहिं जिमि हरिजन हरि पाई।।
मसक दंस बीते हिम त्रासा। जिमि द्विज द्रोह किएँ कुल नासा।।
दोहा/सोरठा
भूमि जीव संकुल रहे गए सरद रितु पाइ।
सदगुर मिले जाहिं जिमि संसय भ्रम समुदाइ।।17।।
चौपाई
बरषा गत निर्मल रितु आई। सुधि न तात सीता कै पाई।।
एक बार कैसेहुँ सुधि जानौं। कालहु जीत निमिष महुँ आनौं।।
कतहुँ रहउ जौं जीवति होई। तात जतन करि आनेउँ सोई।।
सुग्रीवहुँ सुधि मोरि बिसारी। पावा राज कोस पुर नारी।।
जेहिं सायक मारा मैं बाली। तेहिं सर हतौं मूढ़ कहँ काली।।
जासु कृपाँ छूटहीं मद मोहा। ता कहुँ उमा कि सपनेहुँ कोहा।।
जानहिं यह चरित्र मुनि ग्यानी। जिन्ह रघुबीर चरन रति मानी।।
लछिमन क्रोधवंत प्रभु जाना। धनुष चढ़ाइ गहे कर बाना।।
दोहा/सोरठा
तब अनुजहि समुझावा रघुपति करुना सींव।।
भय देखाइ लै आवहु तात सखा सुग्रीव।।18।।
चौपाई
sukhī mīna jē nīra agādhā. jimi hari sarana na ēkau bādhā..
phūlēṃ kamala sōha sara kaisā. nirguna bramha saguna bhaēom jaisā..
guṃjata madhukara mukhara anūpā. suṃdara khaga rava nānā rūpā..
cakrabāka mana dukha nisi paikhī. jimi durjana para saṃpati dēkhī..
cātaka raṭata tṛṣā ati ōhī. jimi sukha lahai na saṃkaradrōhī..
saradātapa nisi sasi apaharaī. saṃta darasa jimi pātaka ṭaraī..
dēkhi iṃdu cakōra samudāī. citavatahiṃ jimi harijana hari pāī..
masaka daṃsa bītē hima trāsā. jimi dvija drōha kiēom kula nāsā..
चौपाई
baraṣā gata nirmala ritu āī. sudhi na tāta sītā kai pāī..
ēka bāra kaisēhuom sudhi jānauṃ. kālahu jīta nimiṣa mahuom ānauṃ..
katahuom rahau jauṃ jīvati hōī. tāta jatana kari ānēuom sōī..
sugrīvahuom sudhi mōri bisārī. pāvā rāja kōsa pura nārī..
jēhiṃ sāyaka mārā maiṃ bālī. tēhiṃ sara hatauṃ mūḍha kahaom kālī..
jāsu kṛpāom chūṭahīṃ mada mōhā. tā kahuom umā ki sapanēhuom kōhā..
jānahiṃ yaha caritra muni gyānī. jinha raghubīra carana rati mānī..
lachimana krōdhavaṃta prabhu jānā. dhanuṣa caḍhaāi gahē kara bānā..
