चौपाई
इहाँ पवनसुत हृदयँ बिचारा। राम काजु सुग्रीवँ बिसारा।।
निकट जाइ चरनन्हि सिरु नावा। चारिहु बिधि तेहि कहि समुझावा।।
सुनि सुग्रीवँ परम भय माना। बिषयँ मोर हरि लीन्हेउ ग्याना।।
अब मारुतसुत दूत समूहा। पठवहु जहँ तहँ बानर जूहा।।
कहहु पाख महुँ आव न जोई। मोरें कर ता कर बध होई।।
तब हनुमंत बोलाए दूता। सब कर करि सनमान बहूता।।
भय अरु प्रीति नीति देखाई। चले सकल चरनन्हि सिर नाई।।
एहि अवसर लछिमन पुर आए। क्रोध देखि जहँ तहँ कपि धाए।।
दोहा/सोरठा
धनुष चढ़ाइ कहा तब जारि करउँ पुर छार।
ब्याकुल नगर देखि तब आयउ बालिकुमार।।19।।
चौपाई
चरन नाइ सिरु बिनती कीन्ही। लछिमन अभय बाँह तेहि दीन्ही।।
क्रोधवंत लछिमन सुनि काना। कह कपीस अति भयँ अकुलाना।।
सुनु हनुमंत संग लै तारा। करि बिनती समुझाउ कुमारा।।
तारा सहित जाइ हनुमाना। चरन बंदि प्रभु सुजस बखाना।।
करि बिनती मंदिर लै आए। चरन पखारि पलँग बैठाए।।
तब कपीस चरनन्हि सिरु नावा। गहि भुज लछिमन कंठ लगावा।।
नाथ बिषय सम मद कछु नाहीं। मुनि मन मोह करइ छन माहीं।।
सुनत बिनीत बचन सुख पावा। लछिमन तेहि बहु बिधि समुझावा।।
पवन तनय सब कथा सुनाई। जेहि बिधि गए दूत समुदाई।।
दोहा/सोरठा
हरषि चले सुग्रीव तब अंगदादि कपि साथ।
रामानुज आगें करि आए जहँ रघुनाथ।।20।।
चौपाई
ihāom pavanasuta hṛdayaom bicārā. rāma kāju sugrīvaom bisārā..
nikaṭa jāi carananhi siru nāvā. cārihu bidhi tēhi kahi samujhāvā..
suni sugrīvaom parama bhaya mānā. biṣayaom mōra hari līnhēu gyānā..
aba mārutasuta dūta samūhā. paṭhavahu jahaom tahaom bānara jūhā..
kahahu pākha mahuom āva na jōī. mōrēṃ kara tā kara badha hōī..
taba hanumaṃta bōlāē dūtā. saba kara kari sanamāna bahūtā..
bhaya aru prīti nīti dēkhāī. calē sakala carananhi sira nāī..
ēhi avasara lachimana pura āē. krōdha dēkhi jahaom tahaom kapi dhāē..
चौपाई
carana nāi siru binatī kīnhī. lachimana abhaya bāomha tēhi dīnhī..
krōdhavaṃta lachimana suni kānā. kaha kapīsa ati bhayaom akulānā..
sunu hanumaṃta saṃga lai tārā. kari binatī samujhāu kumārā..
tārā sahita jāi hanumānā. carana baṃdi prabhu sujasa bakhānā..
kari binatī maṃdira lai āē. carana pakhāri palaomga baiṭhāē..
taba kapīsa carananhi siru nāvā. gahi bhuja lachimana kaṃṭha lagāvā..
nātha biṣaya sama mada kachu nāhīṃ. muni mana mōha karai chana māhīṃ..
sunata binīta bacana sukha pāvā. lachimana tēhi bahu bidhi samujhāvā..
pavana tanaya saba kathā sunāī. jēhi bidhi gaē dūta samudāī..
