चौपाई
आगें चले बहुरि रघुराया। रिष्यमूक परवत निअराया।।
तहँ रह सचिव सहित सुग्रीवा। आवत देखि अतुल बल सींवा।।
अति सभीत कह सुनु हनुमाना। पुरुष जुगल बल रूप निधाना।।
धरि बटु रूप देखु तैं जाई। कहेसु जानि जियँ सयन बुझाई।।
पठए बालि होहिं मन मैला। भागौं तुरत तजौं यह सैला।।
बिप्र रूप धरि कपि तहँ गयऊ। माथ नाइ पूछत अस भयऊ।।
को तुम्ह स्यामल गौर सरीरा। छत्री रूप फिरहु बन बीरा।।
कठिन भूमि कोमल पद गामी। कवन हेतु बिचरहु बन स्वामी।।
मृदुल मनोहर सुंदर गाता। सहत दुसह बन आतप बाता।।
की तुम्ह तीनि देव महँ कोऊ। नर नारायन की तुम्ह दोऊ।।
दोहा/सोरठा
जग कारन तारन भव भंजन धरनी भार।
की तुम्ह अकिल भुवन पति लीन्ह मनुज अवतार।।1।।
चौपाई
कोसलेस दसरथ के जाए । हम पितु बचन मानि बन आए।।
नाम राम लछिमन दौउ भाई। संग नारि सुकुमारि सुहाई।।
इहाँ हरि निसिचर बैदेही। बिप्र फिरहिं हम खोजत तेही।।
आपन चरित कहा हम गाई। कहहु बिप्र निज कथा बुझाई।।
प्रभु पहिचानि परेउ गहि चरना। सो सुख उमा नहिं बरना।।
पुलकित तन मुख आव न बचना। देखत रुचिर बेष कै रचना।।
पुनि धीरजु धरि अस्तुति कीन्ही। हरष हृदयँ निज नाथहि चीन्ही।।
मोर न्याउ मैं पूछा साईं। तुम्ह पूछहु कस नर की नाईं।।
तव माया बस फिरउँ भुलाना। ता ते मैं नहिं प्रभु पहिचाना।।
दोहा/सोरठा
एकु मैं मंद मोहबस कुटिल हृदय अग्यान।
पुनि प्रभु मोहि बिसारेउ दीनबंधु भगवान।।2।।
चौपाई
āgēṃ calē bahuri raghurāyā. riṣyamūka paravata niarāyā..
tahaom raha saciva sahita sugrīvā. āvata dēkhi atula bala sīṃvā..
ati sabhīta kaha sunu hanumānā. puruṣa jugala bala rūpa nidhānā..
dhari baṭu rūpa dēkhu taiṃ jāī. kahēsu jāni jiyaom sayana bujhāī..
paṭhaē bāli hōhiṃ mana mailā. bhāgauṃ turata tajauṃ yaha sailā..
bipra rūpa dhari kapi tahaom gayaū. mātha nāi pūchata asa bhayaū..
kō tumha syāmala gaura sarīrā. chatrī rūpa phirahu bana bīrā..
kaṭhina bhūmi kōmala pada gāmī. kavana hētu bicarahu bana svāmī..
mṛdula manōhara suṃdara gātā. sahata dusaha bana ātapa bātā..
kī tumha tīni dēva mahaom kōū. nara nārāyana kī tumha dōū..
चौपाई
kōsalēsa dasaratha kē jāē . hama pitu bacana māni bana āē..
nāma rāma lachimana dauu bhāī. saṃga nāri sukumāri suhāī..
ihāom hari nisicara baidēhī. bipra phirahiṃ hama khōjata tēhī..
āpana carita kahā hama gāī. kahahu bipra nija kathā bujhāī..
prabhu pahicāni parēu gahi caranā. sō sukha umā nahiṃ baranā..
pulakita tana mukha āva na bacanā. dēkhata rucira bēṣa kai racanā..
puni dhīraju dhari astuti kīnhī. haraṣa hṛdayaom nija nāthahi cīnhī..
mōra nyāu maiṃ pūchā sāīṃ. tumha pūchahu kasa nara kī nāīṃ..
tava māyā basa phirauom bhulānā. tā tē maiṃ nahiṃ prabhu pahicānā..
