चौपाई
निज भ्रम नहिं समुझहिं अग्यानी। प्रभु पर मोह धरहिं जड़ प्रानी।।
जथा गगन घन पटल निहारी। झाँपेउ मानु कहहिं कुबिचारी।।
चितव जो लोचन अंगुलि लाएँ। प्रगट जुगल ससि तेहि के भाएँ।।
उमा राम बिषइक अस मोहा। नभ तम धूम धूरि जिमि सोहा।।
बिषय करन सुर जीव समेता। सकल एक तें एक सचेता।।
सब कर परम प्रकासक जोई। राम अनादि अवधपति सोई।।
जगत प्रकास्य प्रकासक रामू। मायाधीस ग्यान गुन धामू।।
जासु सत्यता तें जड माया। भास सत्य इव मोह सहाया।।
दोहा/सोरठा
रजत सीप महुँ मास जिमि जथा भानु कर बारि।
जदपि मृषा तिहुँ काल सोइ भ्रम न सकइ कोउ टारि।।117।।
चौपाई
एहि बिधि जग हरि आश्रित रहई। जदपि असत्य देत दुख अहई।।
जौं सपनें सिर काटै कोई। बिनु जागें न दूरि दुख होई।।
जासु कृपाँ अस भ्रम मिटि जाई। गिरिजा सोइ कृपाल रघुराई।।
आदि अंत कोउ जासु न पावा। मति अनुमानि निगम अस गावा।।
बिनु पद चलइ सुनइ बिनु काना। कर बिनु करम करइ बिधि नाना।।
आनन रहित सकल रस भोगी। बिनु बानी बकता बड़ जोगी।।
तनु बिनु परस नयन बिनु देखा। ग्रहइ घ्रान बिनु बास असेषा।।
असि सब भाँति अलौकिक करनी। महिमा जासु जाइ नहिं बरनी।।
दोहा/सोरठा
जेहि इमि गावहि बेद बुध जाहि धरहिं मुनि ध्यान।।
सोइ दसरथ सुत भगत हित कोसलपति भगवान।।118।।
चौपाई
nija bhrama nahiṃ samujhahiṃ agyānī. prabhu para mōha dharahiṃ jaḍa prānī..
jathā gagana ghana paṭala nihārī. jhāompēu mānu kahahiṃ kubicārī..
citava jō lōcana aṃguli lāēom. pragaṭa jugala sasi tēhi kē bhāēom..
umā rāma biṣaika asa mōhā. nabha tama dhūma dhūri jimi sōhā..
biṣaya karana sura jīva samētā. sakala ēka tēṃ ēka sacētā..
saba kara parama prakāsaka jōī. rāma anādi avadhapati sōī..
jagata prakāsya prakāsaka rāmū. māyādhīsa gyāna guna dhāmū..
jāsu satyatā tēṃ jaḍa māyā. bhāsa satya iva mōha sahāyā..
चौपाई
ēhi bidhi jaga hari āśrita rahaī. jadapi asatya dēta dukha ahaī..
jauṃ sapanēṃ sira kāṭai kōī. binu jāgēṃ na dūri dukha hōī..
jāsu kṛpāom asa bhrama miṭi jāī. girijā sōi kṛpāla raghurāī..
ādi aṃta kōu jāsu na pāvā. mati anumāni nigama asa gāvā..
binu pada calai sunai binu kānā. kara binu karama karai bidhi nānā..
ānana rahita sakala rasa bhōgī. binu bānī bakatā baḍa jōgī..
tanu binu parasa nayana binu dēkhā. grahai ghrāna binu bāsa asēṣā..
asi saba bhāomti alaukika karanī. mahimā jāsu jāi nahiṃ baranī..
