चौपाई
अग्य अकोबिद अंध अभागी। काई बिषय मुकर मन लागी।।
लंपट कपटी कुटिल बिसेषी। सपनेहुँ संतसभा नहिं देखी।।
कहहिं ते बेद असंमत बानी। जिन्ह कें सूझ लाभु नहिं हानी।।
मुकर मलिन अरु नयन बिहीना। राम रूप देखहिं किमि दीना।।
जिन्ह कें अगुन न सगुन बिबेका। जल्पहिं कल्पित बचन अनेका।।
हरिमाया बस जगत भ्रमाहीं। तिन्हहि कहत कछु अघटित नाहीं।।
बातुल भूत बिबस मतवारे। ते नहिं बोलहिं बचन बिचारे।।
जिन्ह कृत महामोह मद पाना। तिन् कर कहा करिअ नहिं काना।।
दोहा/सोरठा
अस निज हृदयँ बिचारि तजु संसय भजु राम पद।
सुनु गिरिराज कुमारि भ्रम तम रबि कर बचन मम।।115।।
चौपाई
सगुनहि अगुनहि नहिं कछु भेदा। गावहिं मुनि पुरान बुध बेदा।।
अगुन अरुप अलख अज जोई। भगत प्रेम बस सगुन सो होई।।
जो गुन रहित सगुन सोइ कैसें। जलु हिम उपल बिलग नहिं जैसें।।
जासु नाम भ्रम तिमिर पतंगा। तेहि किमि कहिअ बिमोह प्रसंगा।।
राम सच्चिदानंद दिनेसा। नहिं तहँ मोह निसा लवलेसा।।
सहज प्रकासरुप भगवाना। नहिं तहँ पुनि बिग्यान बिहाना।।
हरष बिषाद ग्यान अग्याना। जीव धर्म अहमिति अभिमाना।।
राम ब्रह्म ब्यापक जग जाना। परमानन्द परेस पुराना।।
दोहा/सोरठा
पुरुष प्रसिद्ध प्रकास निधि प्रगट परावर नाथ।।
रघुकुलमनि मम स्वामि सोइ कहि सिवँ नायउ माथ।।116।।
चौपाई
agya akōbida aṃdha abhāgī. kāī biṣaya mukara mana lāgī..
laṃpaṭa kapaṭī kuṭila bisēṣī. sapanēhuom saṃtasabhā nahiṃ dēkhī..
kahahiṃ tē bēda asaṃmata bānī. jinha kēṃ sūjha lābhu nahiṃ hānī..
mukara malina aru nayana bihīnā. rāma rūpa dēkhahiṃ kimi dīnā..
jinha kēṃ aguna na saguna bibēkā. jalpahiṃ kalpita bacana anēkā..
harimāyā basa jagata bhramāhīṃ. tinhahi kahata kachu aghaṭita nāhīṃ..
bātula bhūta bibasa matavārē. tē nahiṃ bōlahiṃ bacana bicārē..
jinha kṛta mahāmōha mada pānā. tin kara kahā karia nahiṃ kānā..
चौपाई
sagunahi agunahi nahiṃ kachu bhēdā. gāvahiṃ muni purāna budha bēdā..
aguna arupa alakha aja jōī. bhagata prēma basa saguna sō hōī..
jō guna rahita saguna sōi kaisēṃ. jalu hima upala bilaga nahiṃ jaisēṃ..
jāsu nāma bhrama timira pataṃgā. tēhi kimi kahia bimōha prasaṃgā..
rāma saccidānaṃda dinēsā. nahiṃ tahaom mōha nisā lavalēsā..
sahaja prakāsarupa bhagavānā. nahiṃ tahaom puni bigyāna bihānā..
haraṣa biṣāda gyāna agyānā. jīva dharma ahamiti abhimānā..
rāma brahma byāpaka jaga jānā. paramānanda parēsa purānā..
