चौपाई
यह उत्सव देखिअ भरि लोचन। सोइ कछु करहु मदन मद मोचन।
कामु जारि रति कहुँ बरु दीन्हा। कृपासिंधु यह अति भल कीन्हा।।
सासति करि पुनि करहिं पसाऊ। नाथ प्रभुन्ह कर सहज सुभाऊ।।
पारबतीं तपु कीन्ह अपारा। करहु तासु अब अंगीकारा।।
सुनि बिधि बिनय समुझि प्रभु बानी। ऐसेइ होउ कहा सुखु मानी।।
तब देवन्ह दुंदुभीं बजाईं। बरषि सुमन जय जय सुर साई।।
अवसरु जानि सप्तरिषि आए। तुरतहिं बिधि गिरिभवन पठाए।।
प्रथम गए जहँ रही भवानी। बोले मधुर बचन छल सानी।।
दोहा/सोरठा
कहा हमार न सुनेहु तब नारद कें उपदेस।
अब भा झूठ तुम्हार पन जारेउ कामु महेस।।89।।
चौपाई
सुनि बोलीं मुसकाइ भवानी। उचित कहेहु मुनिबर बिग्यानी।।
तुम्हरें जान कामु अब जारा। अब लगि संभु रहे सबिकारा।।
हमरें जान सदा सिव जोगी। अज अनवद्य अकाम अभोगी।।
जौं मैं सिव सेये अस जानी। प्रीति समेत कर्म मन बानी।।
तौ हमार पन सुनहु मुनीसा। करिहहिं सत्य कृपानिधि ईसा।।
तुम्ह जो कहा हर जारेउ मारा। सोइ अति बड़ अबिबेकु तुम्हारा।।
तात अनल कर सहज सुभाऊ। हिम तेहि निकट जाइ नहिं काऊ।।
गएँ समीप सो अवसि नसाई। असि मन्मथ महेस की नाई।।
दोहा/सोरठा
हियँ हरषे मुनि बचन सुनि देखि प्रीति बिस्वास।।
चले भवानिहि नाइ सिर गए हिमाचल पास।।90।।
चौपाई
yaha utsava dēkhia bhari lōcana. sōi kachu karahu madana mada mōcana.
kāmu jāri rati kahuom baru dīnhā. kṛpāsiṃdhu yaha ati bhala kīnhā..
sāsati kari puni karahiṃ pasāū. nātha prabhunha kara sahaja subhāū..
pārabatīṃ tapu kīnha apārā. karahu tāsu aba aṃgīkārā..
suni bidhi binaya samujhi prabhu bānī. aisēi hōu kahā sukhu mānī..
taba dēvanha duṃdubhīṃ bajāīṃ. baraṣi sumana jaya jaya sura sāī..
avasaru jāni saptariṣi āē. turatahiṃ bidhi giribhavana paṭhāē..
prathama gaē jahaom rahī bhavānī. bōlē madhura bacana chala sānī..
चौपाई
suni bōlīṃ musakāi bhavānī. ucita kahēhu munibara bigyānī..
tumharēṃ jāna kāmu aba jārā. aba lagi saṃbhu rahē sabikārā..
hamarēṃ jāna sadā siva jōgī. aja anavadya akāma abhōgī..
jauṃ maiṃ siva sēyē asa jānī. prīti samēta karma mana bānī..
tau hamāra pana sunahu munīsā. karihahiṃ satya kṛpānidhi īsā..
tumha jō kahā hara jārēu mārā. sōi ati baḍa abibēku tumhārā..
tāta anala kara sahaja subhāū. hima tēhi nikaṭa jāi nahiṃ kāū..
gaēom samīpa sō avasi nasāī. asi manmatha mahēsa kī nāī..
