चौपाई
भूप सहस दस एकहि बारा। लगे उठावन टरइ न टारा।।
डगइ न संभु सरासन कैसें। कामी बचन सती मनु जैसें।।
सब नृप भए जोगु उपहासी। जैसें बिनु बिराग संन्यासी।।
कीरति बिजय बीरता भारी। चले चाप कर बरबस हारी।।
श्रीहत भए हारि हियँ राजा। बैठे निज निज जाइ समाजा।।
नृपन्ह बिलोकि जनकु अकुलाने। बोले बचन रोष जनु साने।।
दीप दीप के भूपति नाना। आए सुनि हम जो पनु ठाना।।
देव दनुज धरि मनुज सरीरा। बिपुल बीर आए रनधीरा।।
दोहा/सोरठा
कुअँरि मनोहर बिजय बड़ि कीरति अति कमनीय।
पावनिहार बिरंचि जनु रचेउ न धनु दमनीय।।251।।
चौपाई
कहहु काहि यहु लाभु न भावा। काहुँ न संकर चाप चढ़ावा।।
रहउ चढ़ाउब तोरब भाई। तिलु भरि भूमि न सके छड़ाई।।
अब जनि कोउ माखै भट मानी। बीर बिहीन मही मैं जानी।।
तजहु आस निज निज गृह जाहू। लिखा न बिधि बैदेहि बिबाहू।।
सुकृत जाइ जौं पनु परिहरऊँ। कुअँरि कुआरि रहउ का करऊँ।।
जो जनतेउँ बिनु भट भुबि भाई। तौ पनु करि होतेउँ न हँसाई।।
जनक बचन सुनि सब नर नारी। देखि जानकिहि भए दुखारी।।
माखे लखनु कुटिल भइँ भौंहें। रदपट फरकत नयन रिसौंहें।।
दोहा/सोरठा
कहि न सकत रघुबीर डर लगे बचन जनु बान।
नाइ राम पद कमल सिरु बोले गिरा प्रमान।।252।।
चौपाई
bhūpa sahasa dasa ēkahi bārā. lagē uṭhāvana ṭarai na ṭārā..
ḍagai na saṃbhu sarāsana kaisēṃ. kāmī bacana satī manu jaisēṃ..
saba nṛpa bhaē jōgu upahāsī. jaisēṃ binu birāga saṃnyāsī..
kīrati bijaya bīratā bhārī. calē cāpa kara barabasa hārī..
śrīhata bhaē hāri hiyaom rājā. baiṭhē nija nija jāi samājā..
nṛpanha bilōki janaku akulānē. bōlē bacana rōṣa janu sānē..
dīpa dīpa kē bhūpati nānā. āē suni hama jō panu ṭhānā..
dēva danuja dhari manuja sarīrā. bipula bīra āē ranadhīrā..
चौपाई
kahahu kāhi yahu lābhu na bhāvā. kāhuom na saṃkara cāpa caḍhaāvā..
rahau caḍhaāuba tōraba bhāī. tilu bhari bhūmi na sakē chaḍaāī..
aba jani kōu mākhai bhaṭa mānī. bīra bihīna mahī maiṃ jānī..
tajahu āsa nija nija gṛha jāhū. likhā na bidhi baidēhi bibāhū..
sukṛta jāi jauṃ panu pariharaūom. kuaomri kuāri rahau kā karaūom..
jō janatēuom binu bhaṭa bhubi bhāī. tau panu kari hōtēuom na haomsāī..
janaka bacana suni saba nara nārī. dēkhi jānakihi bhaē dukhārī..
mākhē lakhanu kuṭila bhaiom bhauṃhēṃ. radapaṭa pharakata nayana risauṃhēṃ..
