चौपाई
राम रूपु अरु सिय छबि देखें। नर नारिन्ह परिहरीं निमेषें।।
सोचहिं सकल कहत सकुचाहीं। बिधि सन बिनय करहिं मन माहीं।।
हरु बिधि बेगि जनक जड़ताई। मति हमारि असि देहि सुहाई।।
बिनु बिचार पनु तजि नरनाहु। सीय राम कर करै बिबाहू।।
जग भल कहहि भाव सब काहू। हठ कीन्हे अंतहुँ उर दाहू।।
एहिं लालसाँ मगन सब लोगू। बरु साँवरो जानकी जोगू।।
तब बंदीजन जनक बौलाए। बिरिदावली कहत चलि आए।।
कह नृप जाइ कहहु पन मोरा। चले भाट हियँ हरषु न थोरा।।
दोहा/सोरठा
बोले बंदी बचन बर सुनहु सकल महिपाल।
पन बिदेह कर कहहिं हम भुजा उठाइ बिसाल।।249।।
चौपाई
नृप भुजबल बिधु सिवधनु राहू। गरुअ कठोर बिदित सब काहू।।
रावनु बानु महाभट भारे। देखि सरासन गवँहिं सिधारे।।
सोइ पुरारि कोदंडु कठोरा। राज समाज आजु जोइ तोरा।।
त्रिभुवन जय समेत बैदेही।।बिनहिं बिचार बरइ हठि तेही।।
सुनि पन सकल भूप अभिलाषे। भटमानी अतिसय मन माखे।।
परिकर बाँधि उठे अकुलाई। चले इष्टदेवन्ह सिर नाई।।
तमकि ताकि तकि सिवधनु धरहीं। उठइ न कोटि भाँति बलु करहीं।।
जिन्ह के कछु बिचारु मन माहीं। चाप समीप महीप न जाहीं।।
दोहा/सोरठा
तमकि धरहिं धनु मूढ़ नृप उठइ न चलहिं लजाइ।
मनहुँ पाइ भट बाहुबलु अधिकु अधिकु गरुआइ।।250।।
चौपाई
rāma rūpu aru siya chabi dēkhēṃ. nara nārinha pariharīṃ nimēṣēṃ..
sōcahiṃ sakala kahata sakucāhīṃ. bidhi sana binaya karahiṃ mana māhīṃ..
haru bidhi bēgi janaka jaḍatāī. mati hamāri asi dēhi suhāī..
binu bicāra panu taji naranāhu. sīya rāma kara karai bibāhū..
jaga bhala kahahi bhāva saba kāhū. haṭha kīnhē aṃtahuom ura dāhū..
ēhiṃ lālasāom magana saba lōgū. baru sāomvarō jānakī jōgū..
taba baṃdījana janaka baulāē. biridāvalī kahata cali āē..
kaha nṛpa jāi kahahu pana mōrā. calē bhāṭa hiyaom haraṣu na thōrā..
चौपाई
nṛpa bhujabala bidhu sivadhanu rāhū. garua kaṭhōra bidita saba kāhū..
rāvanu bānu mahābhaṭa bhārē. dēkhi sarāsana gavaomhiṃ sidhārē..
sōi purāri kōdaṃḍu kaṭhōrā. rāja samāja āju jōi tōrā..
tribhuvana jaya samēta baidēhī..binahiṃ bicāra barai haṭhi tēhī..
suni pana sakala bhūpa abhilāṣē. bhaṭamānī atisaya mana mākhē..
parikara bāomdhi uṭhē akulāī. calē iṣṭadēvanha sira nāī..
tamaki tāki taki sivadhanu dharahīṃ. uṭhai na kōṭi bhāomti balu karahīṃ..
jinha kē kachu bicāru mana māhīṃ. cāpa samīpa mahīpa na jāhīṃ..
