चौपाई
भा सब कें मन मोदु न थोरा। जनु घन धुनि सुनि चातक मोरा।।
चलत प्रात लखि निरनउ नीके। भरतु प्रानप्रिय भे सबही के।।
मुनिहि बंदि भरतहि सिरु नाई। चले सकल घर बिदा कराई।।
धन्य भरत जीवनु जग माहीं। सीलु सनेहु सराहत जाहीं।।
कहहि परसपर भा बड़ काजू। सकल चलै कर साजहिं साजू।।
जेहि राखहिं रहु घर रखवारी। सो जानइ जनु गरदनि मारी।।
कोउ कह रहन कहिअ नहिं काहू। को न चहइ जग जीवन लाहू।।
दोहा/सोरठा
जरउ सो संपति सदन सुखु सुहद मातु पितु भाइ।
सनमुख होत जो राम पद करै न सहस सहाइ।।185।।
चौपाई
घर घर साजहिं बाहन नाना। हरषु हृदयँ परभात पयाना।।
भरत जाइ घर कीन्ह बिचारू। नगरु बाजि गज भवन भँडारू।।
संपति सब रघुपति कै आही। जौ बिनु जतन चलौं तजि ताही।।
तौ परिनाम न मोरि भलाई। पाप सिरोमनि साइँ दोहाई।।
करइ स्वामि हित सेवकु सोई। दूषन कोटि देइ किन कोई।।
अस बिचारि सुचि सेवक बोले। जे सपनेहुँ निज धरम न डोले।।
कहि सबु मरमु धरमु भल भाषा। जो जेहि लायक सो तेहिं राखा।।
करि सबु जतनु राखि रखवारे। राम मातु पहिं भरतु सिधारे।।
दोहा/सोरठा
आरत जननी जानि सब भरत सनेह सुजान।
कहेउ बनावन पालकीं सजन सुखासन जान।।186।।
चौपाई
bhā saba kēṃ mana mōdu na thōrā. janu ghana dhuni suni cātaka mōrā..
calata prāta lakhi niranau nīkē. bharatu prānapriya bhē sabahī kē..
munihi baṃdi bharatahi siru nāī. calē sakala ghara bidā karāī..
dhanya bharata jīvanu jaga māhīṃ. sīlu sanēhu sarāhata jāhīṃ..
kahahi parasapara bhā baḍa kājū. sakala calai kara sājahiṃ sājū..
jēhi rākhahiṃ rahu ghara rakhavārī. sō jānai janu garadani mārī..
kōu kaha rahana kahia nahiṃ kāhū. kō na cahai jaga jīvana lāhū..
चौपाई
ghara ghara sājahiṃ bāhana nānā. haraṣu hṛdayaom parabhāta payānā..
bharata jāi ghara kīnha bicārū. nagaru bāji gaja bhavana bhaomḍārū..
saṃpati saba raghupati kai āhī. jau binu jatana calauṃ taji tāhī..
tau parināma na mōri bhalāī. pāpa sirōmani sāiom dōhāī..
karai svāmi hita sēvaku sōī. dūṣana kōṭi dēi kina kōī..
asa bicāri suci sēvaka bōlē. jē sapanēhuom nija dharama na ḍōlē..
kahi sabu maramu dharamu bhala bhāṣā. jō jēhi lāyaka sō tēhiṃ rākhā..
kari sabu jatanu rākhi rakhavārē. rāma mātu pahiṃ bharatu sidhārē..
