चौपाई
आन उपाउ मोहि नहि सूझा। को जिय कै रघुबर बिनु बूझा।।
एकहिं आँक इहइ मन माहीं। प्रातकाल चलिहउँ प्रभु पाहीं।।
जद्यपि मैं अनभल अपराधी। भै मोहि कारन सकल उपाधी।।
तदपि सरन सनमुख मोहि देखी। छमि सब करिहहिं कृपा बिसेषी।।
सील सकुच सुठि सरल सुभाऊ। कृपा सनेह सदन रघुराऊ।।
अरिहुक अनभल कीन्ह न रामा। मैं सिसु सेवक जद्यपि बामा।।
तुम्ह पै पाँच मोर भल मानी। आयसु आसिष देहु सुबानी।।
जेहिं सुनि बिनय मोहि जनु जानी। आवहिं बहुरि रामु रजधानी।।
दोहा/सोरठा
जद्यपि जनमु कुमातु तें मैं सठु सदा सदोस।
आपन जानि न त्यागिहहिं मोहि रघुबीर भरोस।।183।।
चौपाई
भरत बचन सब कहँ प्रिय लागे। राम सनेह सुधाँ जनु पागे।।
लोग बियोग बिषम बिष दागे। मंत्र सबीज सुनत जनु जागे।।
मातु सचिव गुर पुर नर नारी। सकल सनेहँ बिकल भए भारी।।
भरतहि कहहि सराहि सराही। राम प्रेम मूरति तनु आही।।
तात भरत अस काहे न कहहू। प्रान समान राम प्रिय अहहू।।
जो पावँरु अपनी जड़ताई। तुम्हहि सुगाइ मातु कुटिलाई।।
सो सठु कोटिक पुरुष समेता। बसिहि कलप सत नरक निकेता।।
अहि अघ अवगुन नहि मनि गहई। हरइ गरल दुख दारिद दहई।।
दोहा/सोरठा
अवसि चलिअ बन रामु जहँ भरत मंत्रु भल कीन्ह।
सोक सिंधु बूड़त सबहि तुम्ह अवलंबनु दीन्ह।।184।।
चौपाई
āna upāu mōhi nahi sūjhā. kō jiya kai raghubara binu būjhā..
ēkahiṃ āomka ihai mana māhīṃ. prātakāla calihauom prabhu pāhīṃ..
jadyapi maiṃ anabhala aparādhī. bhai mōhi kārana sakala upādhī..
tadapi sarana sanamukha mōhi dēkhī. chami saba karihahiṃ kṛpā bisēṣī..
sīla sakuca suṭhi sarala subhāū. kṛpā sanēha sadana raghurāū..
arihuka anabhala kīnha na rāmā. maiṃ sisu sēvaka jadyapi bāmā..
tumha pai pāomca mōra bhala mānī. āyasu āsiṣa dēhu subānī..
jēhiṃ suni binaya mōhi janu jānī. āvahiṃ bahuri rāmu rajadhānī..
चौपाई
bharata bacana saba kahaom priya lāgē. rāma sanēha sudhāom janu pāgē..
lōga biyōga biṣama biṣa dāgē. maṃtra sabīja sunata janu jāgē..
mātu saciva gura pura nara nārī. sakala sanēhaom bikala bhaē bhārī..
bharatahi kahahi sarāhi sarāhī. rāma prēma mūrati tanu āhī..
tāta bharata asa kāhē na kahahū. prāna samāna rāma priya ahahū..
jō pāvaomru apanī jaḍatāī. tumhahi sugāi mātu kuṭilāī..
sō saṭhu kōṭika puruṣa samētā. basihi kalapa sata naraka nikētā..
ahi agha avaguna nahi mani gahaī. harai garala dukha dārida dahaī..
