चौपाई
सरल सुभाय मायँ हियँ लाए। अति हित मनहुँ राम फिरि आए।।
भेंटेउ बहुरि लखन लघु भाई। सोकु सनेहु न हृदयँ समाई।।
देखि सुभाउ कहत सबु कोई। राम मातु अस काहे न होई।।
माताँ भरतु गोद बैठारे। आँसु पौंछि मृदु बचन उचारे।।
अजहुँ बच्छ बलि धीरज धरहू। कुसमउ समुझि सोक परिहरहू।।
जनि मानहु हियँ हानि गलानी। काल करम गति अघटित जानि।।
काहुहि दोसु देहु जनि ताता। भा मोहि सब बिधि बाम बिधाता।।
जो एतेहुँ दुख मोहि जिआवा। अजहुँ को जानइ का तेहि भावा।।
दोहा/सोरठा
पितु आयस भूषन बसन तात तजे रघुबीर।
बिसमउ हरषु न हृदयँ कछु पहिरे बलकल चीर। 165।।
चौपाई
मुख प्रसन्न मन रंग न रोषू। सब कर सब बिधि करि परितोषू।।
चले बिपिन सुनि सिय सँग लागी। रहइ न राम चरन अनुरागी।।
सुनतहिं लखनु चले उठि साथा। रहहिं न जतन किए रघुनाथा।।
तब रघुपति सबही सिरु नाई। चले संग सिय अरु लघु भाई।।
रामु लखनु सिय बनहि सिधाए। गइउँ न संग न प्रान पठाए।।
यहु सबु भा इन्ह आँखिन्ह आगें। तउ न तजा तनु जीव अभागें।।
मोहि न लाज निज नेहु निहारी। राम सरिस सुत मैं महतारी।।
जिऐ मरै भल भूपति जाना। मोर हृदय सत कुलिस समाना।।
दोहा/सोरठा
कौसल्या के बचन सुनि भरत सहित रनिवास।
ब्याकुल बिलपत राजगृह मानहुँ सोक नेवासु।।166।।
चौपाई
sarala subhāya māyaom hiyaom lāē. ati hita manahuom rāma phiri āē..
bhēṃṭēu bahuri lakhana laghu bhāī. sōku sanēhu na hṛdayaom samāī..
dēkhi subhāu kahata sabu kōī. rāma mātu asa kāhē na hōī..
mātāom bharatu gōda baiṭhārē. āomsu pauṃchi mṛdu bacana ucārē..
ajahuom baccha bali dhīraja dharahū. kusamau samujhi sōka pariharahū..
jani mānahu hiyaom hāni galānī. kāla karama gati aghaṭita jāni..
kāhuhi dōsu dēhu jani tātā. bhā mōhi saba bidhi bāma bidhātā..
jō ētēhuom dukha mōhi jiāvā. ajahuom kō jānai kā tēhi bhāvā..
चौपाई
mukha prasanna mana raṃga na rōṣū. saba kara saba bidhi kari paritōṣū..
calē bipina suni siya saomga lāgī. rahai na rāma carana anurāgī..
sunatahiṃ lakhanu calē uṭhi sāthā. rahahiṃ na jatana kiē raghunāthā..
taba raghupati sabahī siru nāī. calē saṃga siya aru laghu bhāī..
rāmu lakhanu siya banahi sidhāē. gaiuom na saṃga na prāna paṭhāē..
yahu sabu bhā inha āomkhinha āgēṃ. tau na tajā tanu jīva abhāgēṃ..
mōhi na lāja nija nēhu nihārī. rāma sarisa suta maiṃ mahatārī..
jiai marai bhala bhūpati jānā. mōra hṛdaya sata kulisa samānā..
