चौपाई
सुरन्ह सुमिरि सारदा सराही। देबि देव सरनागत पाही।।
फेरि भरत मति करि निज माया। पालु बिबुध कुल करि छल छाया।।
बिबुध बिनय सुनि देबि सयानी। बोली सुर स्वारथ जड़ जानी।।
मो सन कहहु भरत मति फेरू। लोचन सहस न सूझ सुमेरू।।
बिधि हरि हर माया बड़ि भारी। सोउ न भरत मति सकइ निहारी।।
सो मति मोहि कहत करु भोरी। चंदिनि कर कि चंडकर चोरी।।
भरत हृदयँ सिय राम निवासू। तहँ कि तिमिर जहँ तरनि प्रकासू।।
अस कहि सारद गइ बिधि लोका। बिबुध बिकल निसि मानहुँ कोका।।
दोहा/सोरठा
सुर स्वारथी मलीन मन कीन्ह कुमंत्र कुठाटु।।
रचि प्रपंच माया प्रबल भय भ्रम अरति उचाटु।।295।।
चौपाई
करि कुचालि सोचत सुरराजू। भरत हाथ सबु काजु अकाजू।।
गए जनकु रघुनाथ समीपा। सनमाने सब रबिकुल दीपा।।
समय समाज धरम अबिरोधा। बोले तब रघुबंस पुरोधा।।
जनक भरत संबादु सुनाई। भरत कहाउति कही सुहाई।।
तात राम जस आयसु देहू। सो सबु करै मोर मत एहू।।
सुनि रघुनाथ जोरि जुग पानी। बोले सत्य सरल मृदु बानी।।
बिद्यमान आपुनि मिथिलेसू। मोर कहब सब भाँति भदेसू।।
राउर राय रजायसु होई। राउरि सपथ सही सिर सोई।।
दोहा/सोरठा
राम सपथ सुनि मुनि जनकु सकुचे सभा समेत।
सकल बिलोकत भरत मुखु बनइ न उतरु देत।।296।।
चौपाई
suranha sumiri sāradā sarāhī. dēbi dēva saranāgata pāhī..
phēri bharata mati kari nija māyā. pālu bibudha kula kari chala chāyā..
bibudha binaya suni dēbi sayānī. bōlī sura svāratha jaḍa jānī..
mō sana kahahu bharata mati phērū. lōcana sahasa na sūjha sumērū..
bidhi hari hara māyā baḍai bhārī. sōu na bharata mati sakai nihārī..
sō mati mōhi kahata karu bhōrī. caṃdini kara ki caṃḍakara cōrī..
bharata hṛdayaom siya rāma nivāsū. tahaom ki timira jahaom tarani prakāsū..
asa kahi sārada gai bidhi lōkā. bibudha bikala nisi mānahuom kōkā..
चौपाई
kari kucāli sōcata surarājū. bharata hātha sabu kāju akājū..
gaē janaku raghunātha samīpā. sanamānē saba rabikula dīpā..
samaya samāja dharama abirōdhā. bōlē taba raghubaṃsa purōdhā..
janaka bharata saṃbādu sunāī. bharata kahāuti kahī suhāī..
tāta rāma jasa āyasu dēhū. sō sabu karai mōra mata ēhū..
suni raghunātha jōri juga pānī. bōlē satya sarala mṛdu bānī..
bidyamāna āpuni mithilēsū. mōra kahaba saba bhāomti bhadēsū..
rāura rāya rajāyasu hōī. rāuri sapatha sahī sira sōī..
