चौपाई
एवमस्तु कहि रघुकुलनायक। बोले बचन परम सुखदायक।।
सुनु बायस तैं सहज सयाना। काहे न मागसि अस बरदाना।।
सब सुख खानि भगति तैं मागी। नहिं जग कोउ तोहि सम बड़भागी।।
जो मुनि कोटि जतन नहिं लहहीं। जे जप जोग अनल तन दहहीं।।
रीझेउँ देखि तोरि चतुराई। मागेहु भगति मोहि अति भाई।।
सुनु बिहंग प्रसाद अब मोरें। सब सुभ गुन बसिहहिं उर तोरें।।
भगति ग्यान बिग्यान बिरागा। जोग चरित्र रहस्य बिभागा।।
जानब तैं सबही कर भेदा। मम प्रसाद नहिं साधन खेदा।।
चौपाई
अब सुनु परम बिमल मम बानी। सत्य सुगम निगमादि बखानी।।
निज सिद्धांत सुनावउँ तोही। सुनु मन धरु सब तजि भजु मोही।।
मम माया संभव संसारा। जीव चराचर बिबिधि प्रकारा।।
सब मम प्रिय सब मम उपजाए। सब ते अधिक मनुज मोहि भाए।।
तिन्ह महँ द्विज द्विज महँ श्रुतिधारी। तिन्ह महुँ निगम धरम अनुसारी।।
तिन्ह महँ प्रिय बिरक्त पुनि ग्यानी। ग्यानिहु ते अति प्रिय बिग्यानी।।
तिन्ह ते पुनि मोहि प्रिय निज दासा। जेहि गति मोरि न दूसरि आसा।।
पुनि पुनि सत्य कहउँ तोहि पाहीं। मोहि सेवक सम प्रिय कोउ नाहीं।।
भगति हीन बिरंचि किन होई। सब जीवहु सम प्रिय मोहि सोई।।
भगतिवंत अति नीचउ प्रानी। मोहि प्रानप्रिय असि मम बानी।।
चौपाई
ēvamastu kahi raghukulanāyaka. bōlē bacana parama sukhadāyaka..
sunu bāyasa taiṃ sahaja sayānā. kāhē na māgasi asa baradānā..
saba sukha khāni bhagati taiṃ māgī. nahiṃ jaga kōu tōhi sama baḍabhāgī..
jō muni kōṭi jatana nahiṃ lahahīṃ. jē japa jōga anala tana dahahīṃ..
rījhēuom dēkhi tōri caturāī. māgēhu bhagati mōhi ati bhāī..
sunu bihaṃga prasāda aba mōrēṃ. saba subha guna basihahiṃ ura tōrēṃ..
bhagati gyāna bigyāna birāgā. jōga caritra rahasya bibhāgā..
jānaba taiṃ sabahī kara bhēdā. mama prasāda nahiṃ sādhana khēdā..
चौपाई
aba sunu parama bimala mama bānī. satya sugama nigamādi bakhānī..
nija siddhāṃta sunāvauom tōhī. sunu mana dharu saba taji bhaju mōhī..
mama māyā saṃbhava saṃsārā. jīva carācara bibidhi prakārā..
saba mama priya saba mama upajāē. saba tē adhika manuja mōhi bhāē..
tinha mahaom dvija dvija mahaom śrutidhārī. tinha mahuom nigama dharama anusārī..
tinha mahaom priya birakta puni gyānī. gyānihu tē ati priya bigyānī..
tinha tē puni mōhi priya nija dāsā. jēhi gati mōri na dūsari āsā..
puni puni satya kahauom tōhi pāhīṃ. mōhi sēvaka sama priya kōu nāhīṃ..
bhagati hīna biraṃci kina hōī. saba jīvahu sama priya mōhi sōī..
bhagativaṃta ati nīcau prānī. mōhi prānapriya asi mama bānī..
