चौपाई
राम चरित जे सुनत अघाहीं। रस बिसेष जाना तिन्ह नाहीं।।
जीवनमुक्त महामुनि जेऊ। हरि गुन सुनहीं निरंतर तेऊ।।
भव सागर चह पार जो पावा। राम कथा ता कहँ दृढ़ नावा।।
बिषइन्ह कहँ पुनि हरि गुन ग्रामा। श्रवन सुखद अरु मन अभिरामा।।
श्रवनवंत अस को जग माहीं। जाहि न रघुपति चरित सोहाहीं।।
ते जड़ जीव निजात्मक घाती। जिन्हहि न रघुपति कथा सोहाती।।
हरिचरित्र मानस तुम्ह गावा। सुनि मैं नाथ अमिति सुख पावा।।
तुम्ह जो कही यह कथा सुहाई। कागभसुंडि गरुड़ प्रति गाई।।
चौपाई
नर सहस्त्र महँ सुनहु पुरारी। कोउ एक होइ धर्म ब्रतधारी।।
धर्मसील कोटिक महँ कोई। बिषय बिमुख बिराग रत होई।।
कोटि बिरक्त मध्य श्रुति कहई। सम्यक ग्यान सकृत कोउ लहई।।
ग्यानवंत कोटिक महँ कोऊ। जीवनमुक्त सकृत जग सोऊ।।
तिन्ह सहस्त्र महुँ सब सुख खानी। दुर्लभ ब्रह्मलीन बिग्यानी।।
धर्मसील बिरक्त अरु ग्यानी। जीवनमुक्त ब्रह्मपर प्रानी।।
सब ते सो दुर्लभ सुरराया। राम भगति रत गत मद माया।।
सो हरिभगति काग किमि पाई। बिस्वनाथ मोहि कहहु बुझाई।।
चौपाई
rāma carita jē sunata aghāhīṃ. rasa bisēṣa jānā tinha nāhīṃ..
jīvanamukta mahāmuni jēū. hari guna sunahīṃ niraṃtara tēū..
bhava sāgara caha pāra jō pāvā. rāma kathā tā kahaom dṛḍha nāvā..
biṣainha kahaom puni hari guna grāmā. śravana sukhada aru mana abhirāmā..
śravanavaṃta asa kō jaga māhīṃ. jāhi na raghupati carita sōhāhīṃ..
tē jaḍa jīva nijātmaka ghātī. jinhahi na raghupati kathā sōhātī..
haricaritra mānasa tumha gāvā. suni maiṃ nātha amiti sukha pāvā..
tumha jō kahī yaha kathā suhāī. kāgabhasuṃḍi garuḍa prati gāī..
चौपाई
nara sahastra mahaom sunahu purārī. kōu ēka hōi dharma bratadhārī..
dharmasīla kōṭika mahaom kōī. biṣaya bimukha birāga rata hōī..
kōṭi birakta madhya śruti kahaī. samyaka gyāna sakṛta kōu lahaī..
gyānavaṃta kōṭika mahaom kōū. jīvanamukta sakṛta jaga sōū..
tinha sahastra mahuom saba sukha khānī. durlabha brahmalīna bigyānī..
dharmasīla birakta aru gyānī. jīvanamukta brahmapara prānī..
saba tē sō durlabha surarāyā. rāma bhagati rata gata mada māyā..
sō haribhagati kāga kimi pāī. bisvanātha mōhi kahahu bujhāī..
