चौपाई
जप तप नियम जोग निज धर्मा। श्रुति संभव नाना सुभ कर्मा।।
ग्यान दया दम तीरथ मज्जन। जहँ लगि धर्म कहत श्रुति सज्जन।।
आगम निगम पुरान अनेका। पढ़े सुने कर फल प्रभु एका।।
तब पद पंकज प्रीति निरंतर। सब साधन कर यह फल सुंदर।।
छूटइ मल कि मलहि के धोएँ। घृत कि पाव कोइ बारि बिलोएँ।।
प्रेम भगति जल बिनु रघुराई। अभिअंतर मल कबहुँ न जाई।।
सोइ सर्बग्य तग्य सोइ पंडित। सोइ गुन गृह बिग्यान अखंडित।।
दच्छ सकल लच्छन जुत सोई। जाकें पद सरोज रति होई।।
चौपाई
अस कहि मुनि बसिष्ट गृह आए। कृपासिंधु के मन अति भाए।।
हनूमान भरतादिक भ्राता। संग लिए सेवक सुखदाता।।
पुनि कृपाल पुर बाहेर गए। गज रथ तुरग मगावत भए।।
देखि कृपा करि सकल सराहे। दिए उचित जिन्ह जिन्ह तेइ चाहे।।
हरन सकल श्रम प्रभु श्रम पाई। गए जहाँ सीतल अवँराई।।
भरत दीन्ह निज बसन डसाई। बैठे प्रभु सेवहिं सब भाई।।
मारुतसुत तब मारूत करई। पुलक बपुष लोचन जल भरई।।
हनूमान सम नहिं बड़भागी। नहिं कोउ राम चरन अनुरागी।।
गिरिजा जासु प्रीति सेवकाई। बार बार प्रभु निज मुख गाई।।
चौपाई
japa tapa niyama jōga nija dharmā. śruti saṃbhava nānā subha karmā..
gyāna dayā dama tīratha majjana. jahaom lagi dharma kahata śruti sajjana..
āgama nigama purāna anēkā. paḍhaē sunē kara phala prabhu ēkā..
taba pada paṃkaja prīti niraṃtara. saba sādhana kara yaha phala suṃdara..
chūṭai mala ki malahi kē dhōēom. ghṛta ki pāva kōi bāri bilōēom..
prēma bhagati jala binu raghurāī. abhiaṃtara mala kabahuom na jāī..
sōi sarbagya tagya sōi paṃḍita. sōi guna gṛha bigyāna akhaṃḍita..
daccha sakala lacchana juta sōī. jākēṃ pada sarōja rati hōī..
चौपाई
asa kahi muni basiṣṭa gṛha āē. kṛpāsiṃdhu kē mana ati bhāē..
hanūmāna bharatādika bhrātā. saṃga liē sēvaka sukhadātā..
puni kṛpāla pura bāhēra gaē. gaja ratha turaga magāvata bhaē..
dēkhi kṛpā kari sakala sarāhē. diē ucita jinha jinha tēi cāhē..
harana sakala śrama prabhu śrama pāī. gaē jahāom sītala avaomrāī..
bharata dīnha nija basana ḍasāī. baiṭhē prabhu sēvahiṃ saba bhāī..
mārutasuta taba mārūta karaī. pulaka bapuṣa lōcana jala bharaī..
hanūmāna sama nahiṃ baḍabhāgī. nahiṃ kōu rāma carana anurāgī..
girijā jāsu prīti sēvakāī. bāra bāra prabhu nija mukha gāī..
