चौपाई
तात राम नहिं नर भूपाला। भुवनेस्वर कालहु कर काला।।
ब्रह्म अनामय अज भगवंता। ब्यापक अजित अनादि अनंता।।
गो द्विज धेनु देव हितकारी। कृपासिंधु मानुष तनुधारी।।
जन रंजन भंजन खल ब्राता। बेद धर्म रच्छक सुनु भ्राता।।
ताहि बयरु तजि नाइअ माथा। प्रनतारति भंजन रघुनाथा।।
देहु नाथ प्रभु कहुँ बैदेही। भजहु राम बिनु हेतु सनेही।।
सरन गएँ प्रभु ताहु न त्यागा। बिस्व द्रोह कृत अघ जेहि लागा।।
जासु नाम त्रय ताप नसावन। सोइ प्रभु प्रगट समुझु जियँ रावन।।
दोहा/सोरठा
बार बार पद लागउँ बिनय करउँ दससीस।
परिहरि मान मोह मद भजहु कोसलाधीस।।39(क)।।
मुनि पुलस्ति निज सिष्य सन कहि पठई यह बात।
तुरत सो मैं प्रभु सन कही पाइ सुअवसरु तात।।39(ख)।।
चौपाई
माल्यवंत अति सचिव सयाना। तासु बचन सुनि अति सुख माना।।
तात अनुज तव नीति बिभूषन। सो उर धरहु जो कहत बिभीषन।।
रिपु उतकरष कहत सठ दोऊ। दूरि न करहु इहाँ हइ कोऊ।।
माल्यवंत गृह गयउ बहोरी। कहइ बिभीषनु पुनि कर जोरी।।
सुमति कुमति सब कें उर रहहीं। नाथ पुरान निगम अस कहहीं।।
जहाँ सुमति तहँ संपति नाना। जहाँ कुमति तहँ बिपति निदाना।।
तव उर कुमति बसी बिपरीता। हित अनहित मानहु रिपु प्रीता।।
कालराति निसिचर कुल केरी। तेहि सीता पर प्रीति घनेरी।।
दोहा/सोरठा
तात चरन गहि मागउँ राखहु मोर दुलार।
सीत देहु राम कहुँ अहित न होइ तुम्हार।।40।।
चौपाई
tāta rāma nahiṃ nara bhūpālā. bhuvanēsvara kālahu kara kālā..
brahma anāmaya aja bhagavaṃtā. byāpaka ajita anādi anaṃtā..
gō dvija dhēnu dēva hitakārī. kṛpāsiṃdhu mānuṣa tanudhārī..
jana raṃjana bhaṃjana khala brātā. bēda dharma racchaka sunu bhrātā..
tāhi bayaru taji nāia māthā. pranatārati bhaṃjana raghunāthā..
dēhu nātha prabhu kahuom baidēhī. bhajahu rāma binu hētu sanēhī..
sarana gaēom prabhu tāhu na tyāgā. bisva drōha kṛta agha jēhi lāgā..
jāsu nāma traya tāpa nasāvana. sōi prabhu pragaṭa samujhu jiyaom rāvana..
चौपाई
mālyavaṃta ati saciva sayānā. tāsu bacana suni ati sukha mānā..
tāta anuja tava nīti bibhūṣana. sō ura dharahu jō kahata bibhīṣana..
ripu utakaraṣa kahata saṭha dōū. dūri na karahu ihāom hai kōū..
mālyavaṃta gṛha gayau bahōrī. kahai bibhīṣanu puni kara jōrī..
sumati kumati saba kēṃ ura rahahīṃ. nātha purāna nigama asa kahahīṃ..
jahāom sumati tahaom saṃpati nānā. jahāom kumati tahaom bipati nidānā..
tava ura kumati basī biparītā. hita anahita mānahu ripu prītā..
kālarāti nisicara kula kērī. tēhi sītā para prīti ghanērī..
