चौपाई
जौं न होति सीता सुधि पाई। मधुबन के फल सकहिं कि खाई।।
एहि बिधि मन बिचार कर राजा। आइ गए कपि सहित समाजा।।
आइ सबन्हि नावा पद सीसा। मिलेउ सबन्हि अति प्रेम कपीसा।।
पूँछी कुसल कुसल पद देखी। राम कृपाँ भा काजु बिसेषी।।
नाथ काजु कीन्हेउ हनुमाना। राखे सकल कपिन्ह के प्राना।।
सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ।
राम कपिन्ह जब आवत देखा। किएँ काजु मन हरष बिसेषा।।
फटिक सिला बैठे द्वौ भाई। परे सकल कपि चरनन्हि जाई।।
दोहा/सोरठा
प्रीति सहित सब भेटे रघुपति करुना पुंज।
पूँछी कुसल नाथ अब कुसल देखि पद कंज।।29।।
चौपाई
जामवंत कह सुनु रघुराया। जा पर नाथ करहु तुम्ह दाया।।
ताहि सदा सुभ कुसल निरंतर। सुर नर मुनि प्रसन्न ता ऊपर।।
सोइ बिजई बिनई गुन सागर। तासु सुजसु त्रेलोक उजागर।।
प्रभु कीं कृपा भयउ सबु काजू। जन्म हमार सुफल भा आजू।।
नाथ पवनसुत कीन्हि जो करनी। सहसहुँ मुख न जाइ सो बरनी।।
पवनतनय के चरित सुहाए। जामवंत रघुपतिहि सुनाए।।
सुनत कृपानिधि मन अति भाए। पुनि हनुमान हरषि हियँ लाए।।
कहहु तात केहि भाँति जानकी। रहति करति रच्छा स्वप्रान की।।
दोहा/सोरठा
नाम पाहरु दिवस निसि ध्यान तुम्हार कपाट।
लोचन निज पद जंत्रित जाहिं प्रान केहिं बाट।।30।।
चौपाई
jauṃ na hōti sītā sudhi pāī. madhubana kē phala sakahiṃ ki khāī..
ēhi bidhi mana bicāra kara rājā. āi gaē kapi sahita samājā..
āi sabanhi nāvā pada sīsā. milēu sabanhi ati prēma kapīsā..
pūomchī kusala kusala pada dēkhī. rāma kṛpāom bhā kāju bisēṣī..
nātha kāju kīnhēu hanumānā. rākhē sakala kapinha kē prānā..
suni sugrīva bahuri tēhi milēū. kapinha sahita raghupati pahiṃ calēū.
rāma kapinha jaba āvata dēkhā. kiēom kāju mana haraṣa bisēṣā..
phaṭika silā baiṭhē dvau bhāī. parē sakala kapi carananhi jāī..
चौपाई
jāmavaṃta kaha sunu raghurāyā. jā para nātha karahu tumha dāyā..
tāhi sadā subha kusala niraṃtara. sura nara muni prasanna tā ūpara..
sōi bijaī binaī guna sāgara. tāsu sujasu trēlōka ujāgara..
prabhu kīṃ kṛpā bhayau sabu kājū. janma hamāra suphala bhā ājū..
nātha pavanasuta kīnhi jō karanī. sahasahuom mukha na jāi sō baranī..
pavanatanaya kē carita suhāē. jāmavaṃta raghupatihi sunāē..
sunata kṛpānidhi mana ati bhāē. puni hanumāna haraṣi hiyaom lāē..
kahahu tāta kēhi bhāomti jānakī. rahati karati racchā svaprāna kī..
