चौपाई
राम चरन पंकज उर धरहू। लंका अचल राज तुम्ह करहू।।
रिषि पुलिस्त जसु बिमल मंयका। तेहि ससि महुँ जनि होहु कलंका।।
राम नाम बिनु गिरा न सोहा। देखु बिचारि त्यागि मद मोहा।।
बसन हीन नहिं सोह सुरारी। सब भूषण भूषित बर नारी।।
राम बिमुख संपति प्रभुताई। जाइ रही पाई बिनु पाई।।
सजल मूल जिन्ह सरितन्ह नाहीं। बरषि गए पुनि तबहिं सुखाहीं।।
सुनु दसकंठ कहउँ पन रोपी। बिमुख राम त्राता नहिं कोपी।।
संकर सहस बिष्नु अज तोही। सकहिं न राखि राम कर द्रोही।।
दोहा/सोरठा
मोहमूल बहु सूल प्रद त्यागहु तम अभिमान।
भजहु राम रघुनायक कृपा सिंधु भगवान।।23।।
चौपाई
जदपि कहि कपि अति हित बानी। भगति बिबेक बिरति नय सानी।।
बोला बिहसि महा अभिमानी। मिला हमहि कपि गुर बड़ ग्यानी।।
मृत्यु निकट आई खल तोही। लागेसि अधम सिखावन मोही।।
उलटा होइहि कह हनुमाना। मतिभ्रम तोर प्रगट मैं जाना।।
सुनि कपि बचन बहुत खिसिआना। बेगि न हरहुँ मूढ़ कर प्राना।।
सुनत निसाचर मारन धाए। सचिवन्ह सहित बिभीषनु आए।
नाइ सीस करि बिनय बहूता। नीति बिरोध न मारिअ दूता।।
आन दंड कछु करिअ गोसाँई। सबहीं कहा मंत्र भल भाई।।
सुनत बिहसि बोला दसकंधर। अंग भंग करि पठइअ बंदर।।
दोहा/सोरठा
कपि कें ममता पूँछ पर सबहि कहउँ समुझाइ।
तेल बोरि पट बाँधि पुनि पावक देहु लगाइ।।24।।
चौपाई
rāma carana paṃkaja ura dharahū. laṃkā acala rāja tumha karahū..
riṣi pulista jasu bimala maṃyakā. tēhi sasi mahuom jani hōhu kalaṃkā..
rāma nāma binu girā na sōhā. dēkhu bicāri tyāgi mada mōhā..
basana hīna nahiṃ sōha surārī. saba bhūṣaṇa bhūṣita bara nārī..
rāma bimukha saṃpati prabhutāī. jāi rahī pāī binu pāī..
sajala mūla jinha saritanha nāhīṃ. baraṣi gaē puni tabahiṃ sukhāhīṃ..
sunu dasakaṃṭha kahauom pana rōpī. bimukha rāma trātā nahiṃ kōpī..
saṃkara sahasa biṣnu aja tōhī. sakahiṃ na rākhi rāma kara drōhī..
चौपाई
jadapi kahi kapi ati hita bānī. bhagati bibēka birati naya sānī..
bōlā bihasi mahā abhimānī. milā hamahi kapi gura baḍa gyānī..
mṛtyu nikaṭa āī khala tōhī. lāgēsi adhama sikhāvana mōhī..
ulaṭā hōihi kaha hanumānā. matibhrama tōra pragaṭa maiṃ jānā..
suni kapi bacana bahuta khisiānā. bēgi na harahuom mūḍha kara prānā..
sunata nisācara mārana dhāē. sacivanha sahita bibhīṣanu āē.
nāi sīsa kari binaya bahūtā. nīti birōdha na māria dūtā..
āna daṃḍa kachu karia gōsāomī. sabahīṃ kahā maṃtra bhala bhāī..
sunata bihasi bōlā dasakaṃdhara. aṃga bhaṃga kari paṭhaia baṃdara..
