चौपाई
इहाँ सुबेल सैल रघुबीरा। उतरे सेन सहित अति भीरा।।
सिखर एक उतंग अति देखी। परम रम्य सम सुभ्र बिसेषी।।
तहँ तरु किसलय सुमन सुहाए। लछिमन रचि निज हाथ डसाए।।
ता पर रूचिर मृदुल मृगछाला। तेहीं आसान आसीन कृपाला।।
प्रभु कृत सीस कपीस उछंगा। बाम दहिन दिसि चाप निषंगा।।
दुहुँ कर कमल सुधारत बाना। कह लंकेस मंत्र लगि काना।।
बड़भागी अंगद हनुमाना। चरन कमल चापत बिधि नाना।।
प्रभु पाछें लछिमन बीरासन। कटि निषंग कर बान सरासन।।
दोहा/सोरठा
एहि बिधि कृपा रूप गुन धाम रामु आसीन।
धन्य ते नर एहिं ध्यान जे रहत सदा लयलीन।।11(क)।।
पूरब दिसा बिलोकि प्रभु देखा उदित मंयक।
कहत सबहि देखहु ससिहि मृगपति सरिस असंक।।11(ख)।।
चौपाई
पूरब दिसि गिरिगुहा निवासी। परम प्रताप तेज बल रासी।।
मत्त नाग तम कुंभ बिदारी। ससि केसरी गगन बन चारी।।
बिथुरे नभ मुकुताहल तारा। निसि सुंदरी केर सिंगारा।।
कह प्रभु ससि महुँ मेचकताई। कहहु काह निज निज मति भाई।।
कह सुग़ीव सुनहु रघुराई। ससि महुँ प्रगट भूमि कै झाँई।।
मारेउ राहु ससिहि कह कोई। उर महँ परी स्यामता सोई।।
कोउ कह जब बिधि रति मुख कीन्हा। सार भाग ससि कर हरि लीन्हा।।
छिद्र सो प्रगट इंदु उर माहीं। तेहि मग देखिअ नभ परिछाहीं।।
प्रभु कह गरल बंधु ससि केरा। अति प्रिय निज उर दीन्ह बसेरा।।
बिष संजुत कर निकर पसारी। जारत बिरहवंत नर नारी।।
दोहा/सोरठा
कह हनुमंत सुनहु प्रभु ससि तुम्हारा प्रिय दास।
तव मूरति बिधु उर बसति सोइ स्यामता अभास।।12(क)।।
पवन तनय के बचन सुनि बिहँसे रामु सुजान।
दच्छिन दिसि अवलोकि प्रभु बोले कृपा निधान।।12(ख)।।
चौपाई
ihāom subēla saila raghubīrā. utarē sēna sahita ati bhīrā..
sikhara ēka utaṃga ati dēkhī. parama ramya sama subhra bisēṣī..
tahaom taru kisalaya sumana suhāē. lachimana raci nija hātha ḍasāē..
tā para rūcira mṛdula mṛgachālā. tēhīṃ āsāna āsīna kṛpālā..
prabhu kṛta sīsa kapīsa uchaṃgā. bāma dahina disi cāpa niṣaṃgā..
duhuom kara kamala sudhārata bānā. kaha laṃkēsa maṃtra lagi kānā..
baḍabhāgī aṃgada hanumānā. carana kamala cāpata bidhi nānā..
prabhu pāchēṃ lachimana bīrāsana. kaṭi niṣaṃga kara bāna sarāsana..
चौपाई
pūraba disi giriguhā nivāsī. parama pratāpa tēja bala rāsī..
matta nāga tama kuṃbha bidārī. sasi kēsarī gagana bana cārī..
bithurē nabha mukutāhala tārā. nisi suṃdarī kēra siṃgārā..
kaha prabhu sasi mahuom mēcakatāī. kahahu kāha nija nija mati bhāī..
kaha sugaīva sunahu raghurāī. sasi mahuom pragaṭa bhūmi kai jhāomī..
mārēu rāhu sasihi kaha kōī. ura mahaom parī syāmatā sōī..
kōu kaha jaba bidhi rati mukha kīnhā. sāra bhāga sasi kara hari līnhā..
chidra sō pragaṭa iṃdu ura māhīṃ. tēhi maga dēkhia nabha parichāhīṃ..
prabhu kaha garala baṃdhu sasi kērā. ati priya nija ura dīnha basērā..
biṣa saṃjuta kara nikara pasārī. jārata birahavaṃta nara nārī..
