चौपाई
कुंभकरन रन रंग बिरुद्धा। सन्मुख चला काल जनु क्रुद्धा।।
कोटि कोटि कपि धरि धरि खाई। जनु टीड़ी गिरि गुहाँ समाई।।
कोटिन्ह गहि सरीर सन मर्दा। कोटिन्ह मीजि मिलव महि गर्दा।।
मुख नासा श्रवनन्हि कीं बाटा। निसरि पराहिं भालु कपि ठाटा।।
रन मद मत्त निसाचर दर्पा। बिस्व ग्रसिहि जनु एहि बिधि अर्पा।।
मुरे सुभट सब फिरहिं न फेरे। सूझ न नयन सुनहिं नहिं टेरे।।
कुंभकरन कपि फौज बिडारी। सुनि धाई रजनीचर धारी।।
देखि राम बिकल कटकाई। रिपु अनीक नाना बिधि आई।।
दोहा/सोरठा
सुनु सुग्रीव बिभीषन अनुज सँभारेहु सैन।
मैं देखउँ खल बल दलहि बोले राजिवनैन।।67।।
चौपाई
कर सारंग साजि कटि भाथा। अरि दल दलन चले रघुनाथा।।
प्रथम कीन्ह प्रभु धनुष टँकोरा। रिपु दल बधिर भयउ सुनि सोरा।।
सत्यसंध छाँड़े सर लच्छा। कालसर्प जनु चले सपच्छा।।
जहँ तहँ चले बिपुल नाराचा। लगे कटन भट बिकट पिसाचा।।
कटहिं चरन उर सिर भुजदंडा। बहुतक बीर होहिं सत खंडा।।
घुर्मि घुर्मि घायल महि परहीं। उठि संभारि सुभट पुनि लरहीं।।
लागत बान जलद जिमि गाजहीं। बहुतक देखी कठिन सर भाजहिं।।
रुंड प्रचंड मुंड बिनु धावहिं। धरु धरु मारू मारु धुनि गावहिं।।
दोहा/सोरठा
छन महुँ प्रभु के सायकन्हि काटे बिकट पिसाच।
पुनि रघुबीर निषंग महुँ प्रबिसे सब नाराच।।68।।
चौपाई
kuṃbhakarana rana raṃga biruddhā. sanmukha calā kāla janu kruddhā..
kōṭi kōṭi kapi dhari dhari khāī. janu ṭīḍaī giri guhāom samāī..
kōṭinha gahi sarīra sana mardā. kōṭinha mīji milava mahi gardā..
mukha nāsā śravananhi kīṃ bāṭā. nisari parāhiṃ bhālu kapi ṭhāṭā..
rana mada matta nisācara darpā. bisva grasihi janu ēhi bidhi arpā..
murē subhaṭa saba phirahiṃ na phērē. sūjha na nayana sunahiṃ nahiṃ ṭērē..
kuṃbhakarana kapi phauja biḍārī. suni dhāī rajanīcara dhārī..
dēkhi rāma bikala kaṭakāī. ripu anīka nānā bidhi āī..
चौपाई
kara sāraṃga sāji kaṭi bhāthā. ari dala dalana calē raghunāthā..
prathama kīnha prabhu dhanuṣa ṭaomkōrā. ripu dala badhira bhayau suni sōrā..
satyasaṃdha chāomḍaē sara lacchā. kālasarpa janu calē sapacchā..
jahaom tahaom calē bipula nārācā. lagē kaṭana bhaṭa bikaṭa pisācā..
kaṭahiṃ carana ura sira bhujadaṃḍā. bahutaka bīra hōhiṃ sata khaṃḍā..
ghurmi ghurmi ghāyala mahi parahīṃ. uṭhi saṃbhāri subhaṭa puni larahīṃ..
lāgata bāna jalada jimi gājahīṃ. bahutaka dēkhī kaṭhina sara bhājahiṃ..
ruṃḍa pracaṃḍa muṃḍa binu dhāvahiṃ. dharu dharu mārū māru dhuni gāvahiṃ..
