चौपाई
परिहरि बयरु देहु बैदेही। भजहु कृपानिधि परम सनेही।।
ताके बचन बान सम लागे। करिआ मुह करि जाहि अभागे।।
बूढ़ भएसि न त मरतेउँ तोही। अब जनि नयन देखावसि मोही।।
तेहि अपने मन अस अनुमाना। बध्यो चहत एहि कृपानिधाना।।
सो उठि गयउ कहत दुर्बादा। तब सकोप बोलेउ घननादा।।
कौतुक प्रात देखिअहु मोरा। करिहउँ बहुत कहौं का थोरा।।
सुनि सुत बचन भरोसा आवा। प्रीति समेत अंक बैठावा।।
करत बिचार भयउ भिनुसारा। लागे कपि पुनि चहूँ दुआरा।।
कोपि कपिन्ह दुर्घट गढ़ु घेरा। नगर कोलाहलु भयउ घनेरा।।
बिबिधायुध धर निसिचर धाए। गढ़ ते पर्बत सिखर ढहाए।।
चौपाई
कहँ कोसलाधीस द्वौ भ्राता। धन्वी सकल लोक बिख्याता।।
कहँ नल नील दुबिद सुग्रीवा। अंगद हनूमंत बल सींवा।।
कहाँ बिभीषनु भ्राताद्रोही। आजु सबहि हठि मारउँ ओही।।
अस कहि कठिन बान संधाने। अतिसय क्रोध श्रवन लगि ताने।।
सर समुह सो छाड़ै लागा। जनु सपच्छ धावहिं बहु नागा।।
जहँ तहँ परत देखिअहिं बानर। सन्मुख होइ न सके तेहि अवसर।।
जहँ तहँ भागि चले कपि रीछा। बिसरी सबहि जुद्ध कै ईछा।।
सो कपि भालु न रन महँ देखा। कीन्हेसि जेहि न प्रान अवसेषा।।
दोहा/सोरठा
दस दस सर सब मारेसि परे भूमि कपि बीर।
सिंहनाद करि गर्जा मेघनाद बल धीर।।50।।
चौपाई
parihari bayaru dēhu baidēhī. bhajahu kṛpānidhi parama sanēhī..
tākē bacana bāna sama lāgē. kariā muha kari jāhi abhāgē..
būḍha bhaēsi na ta maratēuom tōhī. aba jani nayana dēkhāvasi mōhī..
tēhi apanē mana asa anumānā. badhyō cahata ēhi kṛpānidhānā..
sō uṭhi gayau kahata durbādā. taba sakōpa bōlēu ghananādā..
kautuka prāta dēkhiahu mōrā. karihauom bahuta kahauṃ kā thōrā..
suni suta bacana bharōsā āvā. prīti samēta aṃka baiṭhāvā..
karata bicāra bhayau bhinusārā. lāgē kapi puni cahūom duārā..
kōpi kapinha durghaṭa gaḍhau ghērā. nagara kōlāhalu bhayau ghanērā..
bibidhāyudha dhara nisicara dhāē. gaḍha tē parbata sikhara ḍhahāē..
चौपाई
kahaom kōsalādhīsa dvau bhrātā. dhanvī sakala lōka bikhyātā..
kahaom nala nīla dubida sugrīvā. aṃgada hanūmaṃta bala sīṃvā..
kahāom bibhīṣanu bhrātādrōhī. āju sabahi haṭhi mārauom ōhī..
asa kahi kaṭhina bāna saṃdhānē. atisaya krōdha śravana lagi tānē..
sara samuha sō chāḍaai lāgā. janu sapaccha dhāvahiṃ bahu nāgā..
jahaom tahaom parata dēkhiahiṃ bānara. sanmukha hōi na sakē tēhi avasara..
jahaom tahaom bhāgi calē kapi rīchā. bisarī sabahi juddha kai īchā..
sō kapi bhālu na rana mahaom dēkhā. kīnhēsi jēhi na prāna avasēṣā..
