चौपाई
जौ अस करौं तदपि न बड़ाई। मुएहि बधें नहिं कछु मनुसाई।।
कौल कामबस कृपिन बिमूढ़ा। अति दरिद्र अजसी अति बूढ़ा।।
सदा रोगबस संतत क्रोधी। बिष्नु बिमूख श्रुति संत बिरोधी।।
तनु पोषक निंदक अघ खानी। जीवन सव सम चौदह प्रानी।।
अस बिचारि खल बधउँ न तोही। अब जनि रिस उपजावसि मोही।।
सुनि सकोप कह निसिचर नाथा। अधर दसन दसि मीजत हाथा।।
रे कपि अधम मरन अब चहसी। छोटे बदन बात बड़ि कहसी।।
कटु जल्पसि जड़ कपि बल जाकें। बल प्रताप बुधि तेज न ताकें।।
दोहा/सोरठा
अगुन अमान जानि तेहि दीन्ह पिता बनबास।
सो दुख अरु जुबती बिरह पुनि निसि दिन मम त्रास।।31(क)।।
जिन्ह के बल कर गर्ब तोहि अइसे मनुज अनेक।
खाहीं निसाचर दिवस निसि मूढ़ समुझु तजि टेक।।31(ख)।।
चौपाई
जब तेहिं कीन्ह राम कै निंदा। क्रोधवंत अति भयउ कपिंदा।।
हरि हर निंदा सुनइ जो काना। होइ पाप गोघात समाना।।
कटकटान कपिकुंजर भारी। दुहु भुजदंड तमकि महि मारी।।
डोलत धरनि सभासद खसे। चले भाजि भय मारुत ग्रसे।।
गिरत सँभारि उठा दसकंधर। भूतल परे मुकुट अति सुंदर।।
कछु तेहिं लै निज सिरन्हि सँवारे। कछु अंगद प्रभु पास पबारे।।
आवत मुकुट देखि कपि भागे। दिनहीं लूक परन बिधि लागे।।
की रावन करि कोप चलाए। कुलिस चारि आवत अति धाए।।
कह प्रभु हँसि जनि हृदयँ डेराहू। लूक न असनि केतु नहिं राहू।।
ए किरीट दसकंधर केरे। आवत बालितनय के प्रेरे।।
दोहा/सोरठा
तरकि पवनसुत कर गहे आनि धरे प्रभु पास।
कौतुक देखहिं भालु कपि दिनकर सरिस प्रकास।।32(क)।।
उहाँ सकोपि दसानन सब सन कहत रिसाइ।
धरहु कपिहि धरि मारहु सुनि अंगद मुसुकाइ।।32(ख)।।
चौपाई
jau asa karauṃ tadapi na baḍaāī. muēhi badhēṃ nahiṃ kachu manusāī..
kaula kāmabasa kṛpina bimūḍhaā. ati daridra ajasī ati būḍhaā..
sadā rōgabasa saṃtata krōdhī. biṣnu bimūkha śruti saṃta birōdhī..
tanu pōṣaka niṃdaka agha khānī. jīvana sava sama caudaha prānī..
asa bicāri khala badhauom na tōhī. aba jani risa upajāvasi mōhī..
suni sakōpa kaha nisicara nāthā. adhara dasana dasi mījata hāthā..
rē kapi adhama marana aba cahasī. chōṭē badana bāta baḍai kahasī..
kaṭu jalpasi jaḍa kapi bala jākēṃ. bala pratāpa budhi tēja na tākēṃ..
चौपाई
jaba tēhiṃ kīnha rāma kai niṃdā. krōdhavaṃta ati bhayau kapiṃdā..
hari hara niṃdā sunai jō kānā. hōi pāpa gōghāta samānā..
kaṭakaṭāna kapikuṃjara bhārī. duhu bhujadaṃḍa tamaki mahi mārī..
ḍōlata dharani sabhāsada khasē. calē bhāji bhaya māruta grasē..
girata saombhāri uṭhā dasakaṃdhara. bhūtala parē mukuṭa ati suṃdara..
kachu tēhiṃ lai nija siranhi saomvārē. kachu aṃgada prabhu pāsa pabārē..
āvata mukuṭa dēkhi kapi bhāgē. dinahīṃ lūka parana bidhi lāgē..
kī rāvana kari kōpa calāē. kulisa cāri āvata ati dhāē..
kaha prabhu haomsi jani hṛdayaom ḍērāhū. lūka na asani kētu nahiṃ rāhū..
ē kirīṭa dasakaṃdhara kērē. āvata bālitanaya kē prērē..
