चौपाई
कुपथ माग रुज ब्याकुल रोगी। बैद न देइ सुनहु मुनि जोगी।।
एहि बिधि हित तुम्हार मैं ठयऊ। कहि अस अंतरहित प्रभु भयऊ।।
माया बिबस भए मुनि मूढ़ा। समुझी नहिं हरि गिरा निगूढ़ा।।
गवने तुरत तहाँ रिषिराई। जहाँ स्वयंबर भूमि बनाई।।
निज निज आसन बैठे राजा। बहु बनाव करि सहित समाजा।।
मुनि मन हरष रूप अति मोरें। मोहि तजि आनहि बारिहि न भोरें।।
मुनि हित कारन कृपानिधाना। दीन्ह कुरूप न जाइ बखाना।।
सो चरित्र लखि काहुँ न पावा। नारद जानि सबहिं सिर नावा।।
दोहा/सोरठा
रहे तहाँ दुइ रुद्र गन ते जानहिं सब भेउ।
बिप्रबेष देखत फिरहिं परम कौतुकी तेउ।।133।।
चौपाई
जेंहि समाज बैंठे मुनि जाई। हृदयँ रूप अहमिति अधिकाई।।
तहँ बैठ महेस गन दोऊ। बिप्रबेष गति लखइ न कोऊ।।
करहिं कूटि नारदहि सुनाई। नीकि दीन्हि हरि सुंदरताई।।
रीझहि राजकुअँरि छबि देखी। इन्हहि बरिहि हरि जानि बिसेषी।।
मुनिहि मोह मन हाथ पराएँ। हँसहिं संभु गन अति सचु पाएँ।।
जदपि सुनहिं मुनि अटपटि बानी। समुझि न परइ बुद्धि भ्रम सानी।।
काहुँ न लखा सो चरित बिसेषा। सो सरूप नृपकन्याँ देखा।।
मर्कट बदन भयंकर देही। देखत हृदयँ क्रोध भा तेही।।
दोहा/सोरठा
सखीं संग लै कुअँरि तब चलि जनु राजमराल।
देखत फिरइ महीप सब कर सरोज जयमाल।।134।।
चौपाई
kupatha māga ruja byākula rōgī. baida na dēi sunahu muni jōgī..
ēhi bidhi hita tumhāra maiṃ ṭhayaū. kahi asa aṃtarahita prabhu bhayaū..
māyā bibasa bhaē muni mūḍhaā. samujhī nahiṃ hari girā nigūḍhaā..
gavanē turata tahāom riṣirāī. jahāom svayaṃbara bhūmi banāī..
nija nija āsana baiṭhē rājā. bahu banāva kari sahita samājā..
muni mana haraṣa rūpa ati mōrēṃ. mōhi taji ānahi bārihi na bhōrēṃ..
muni hita kārana kṛpānidhānā. dīnha kurūpa na jāi bakhānā..
sō caritra lakhi kāhuom na pāvā. nārada jāni sabahiṃ sira nāvā..
चौपाई
jēṃhi samāja baiṃṭhē muni jāī. hṛdayaom rūpa ahamiti adhikāī..
tahaom baiṭha mahēsa gana dōū. biprabēṣa gati lakhai na kōū..
karahiṃ kūṭi nāradahi sunāī. nīki dīnhi hari suṃdaratāī..
rījhahi rājakuaomri chabi dēkhī. inhahi barihi hari jāni bisēṣī..
munihi mōha mana hātha parāēom. haomsahiṃ saṃbhu gana ati sacu pāēom..
jadapi sunahiṃ muni aṭapaṭi bānī. samujhi na parai buddhi bhrama sānī..
kāhuom na lakhā sō carita bisēṣā. sō sarūpa nṛpakanyāom dēkhā..
markaṭa badana bhayaṃkara dēhī. dēkhata hṛdayaom krōdha bhā tēhī..
