चौपाई
खल परिहास होइ हित मोरा। काक कहहिं कलकंठ कठोरा।।
हंसहि बक दादुर चातकही। हँसहिं मलिन खल बिमल बतकही।।
कबित रसिक न राम पद नेहू। तिन्ह कहँ सुखद हास रस एहू।।
भाषा भनिति भोरि मति मोरी। हँसिबे जोग हँसें नहिं खोरी।।
प्रभु पद प्रीति न सामुझि नीकी। तिन्हहि कथा सुनि लागहि फीकी।।
हरि हर पद रति मति न कुतरकी। तिन्ह कहुँ मधुर कथा रघुवर की।।
राम भगति भूषित जियँ जानी। सुनिहहिं सुजन सराहि सुबानी।।
कबि न होउँ नहिं बचन प्रबीनू। सकल कला सब बिद्या हीनू।।
आखर अरथ अलंकृति नाना। छंद प्रबंध अनेक बिधाना।।
भाव भेद रस भेद अपारा। कबित दोष गुन बिबिध प्रकारा।।
कबित बिबेक एक नहिं मोरें। सत्य कहउँ लिखि कागद कोरे।।
दोहा/सोरठा
भनिति मोरि सब गुन रहित बिस्व बिदित गुन एक।
सो बिचारि सुनिहहिं सुमति जिन्ह कें बिमल बिवेक।।9।।
चौपाई
एहि महँ रघुपति नाम उदारा। अति पावन पुरान श्रुति सारा।।
मंगल भवन अमंगल हारी। उमा सहित जेहि जपत पुरारी।।
भनिति बिचित्र सुकबि कृत जोऊ। राम नाम बिनु सोह न सोऊ।।
बिधुबदनी सब भाँति सँवारी। सोन न बसन बिना बर नारी।।
सब गुन रहित कुकबि कृत बानी। राम नाम जस अंकित जानी।।
सादर कहहिं सुनहिं बुध ताही। मधुकर सरिस संत गुनग्राही।।
जदपि कबित रस एकउ नाही। राम प्रताप प्रकट एहि माहीं।।
सोइ भरोस मोरें मन आवा। केहिं न सुसंग बडप्पनु पावा।।
धूमउ तजइ सहज करुआई। अगरु प्रसंग सुगंध बसाई।।
भनिति भदेस बस्तु भलि बरनी। राम कथा जग मंगल करनी।।
चौपाई
khala parihāsa hōi hita mōrā. kāka kahahiṃ kalakaṃṭha kaṭhōrā..
haṃsahi baka dādura cātakahī. haomsahiṃ malina khala bimala batakahī..
kabita rasika na rāma pada nēhū. tinha kahaom sukhada hāsa rasa ēhū..
bhāṣā bhaniti bhōri mati mōrī. haomsibē jōga haomsēṃ nahiṃ khōrī..
prabhu pada prīti na sāmujhi nīkī. tinhahi kathā suni lāgahi phīkī..
hari hara pada rati mati na kutarakī. tinha kahuom madhura kathā raghuvara kī..
rāma bhagati bhūṣita jiyaom jānī. sunihahiṃ sujana sarāhi subānī..
kabi na hōuom nahiṃ bacana prabīnū. sakala kalā saba bidyā hīnū..
ākhara aratha alaṃkṛti nānā. chaṃda prabaṃdha anēka bidhānā..
bhāva bhēda rasa bhēda apārā. kabita dōṣa guna bibidha prakārā..
kabita bibēka ēka nahiṃ mōrēṃ. satya kahauom likhi kāgada kōrē..
चौपाई
ēhi mahaom raghupati nāma udārā. ati pāvana purāna śruti sārā..
maṃgala bhavana amaṃgala hārī. umā sahita jēhi japata purārī..
bhaniti bicitra sukabi kṛta jōū. rāma nāma binu sōha na sōū..
bidhubadanī saba bhāomti saomvārī. sōna na basana binā bara nārī..
saba guna rahita kukabi kṛta bānī. rāma nāma jasa aṃkita jānī..
sādara kahahiṃ sunahiṃ budha tāhī. madhukara sarisa saṃta gunagrāhī..
jadapi kabita rasa ēkau nāhī. rāma pratāpa prakaṭa ēhi māhīṃ..
sōi bharōsa mōrēṃ mana āvā. kēhiṃ na susaṃga baḍappanu pāvā..
dhūmau tajai sahaja karuāī. agaru prasaṃga sugaṃdha basāī..
bhaniti bhadēsa bastu bhali baranī. rāma kathā jaga maṃgala karanī..
