चौपाई
दच्छसुतन्ह उपदेसेन्हि जाई। तिन्ह फिरि भवनु न देखा आई।।
चित्रकेतु कर घरु उन घाला। कनककसिपु कर पुनि अस हाला।।
नारद सिख जे सुनहिं नर नारी। अवसि होहिं तजि भवनु भिखारी।।
मन कपटी तन सज्जन चीन्हा। आपु सरिस सबही चह कीन्हा।।
तेहि कें बचन मानि बिस्वासा। तुम्ह चाहहु पति सहज उदासा।।
निर्गुन निलज कुबेष कपाली। अकुल अगेह दिगंबर ब्याली।।
कहहु कवन सुखु अस बरु पाएँ। भल भूलिहु ठग के बौराएँ।।
पंच कहें सिवँ सती बिबाही। पुनि अवडेरि मराएन्हि ताही।।
दोहा/सोरठा
अब सुख सोवत सोचु नहि भीख मागि भव खाहिं।
सहज एकाकिन्ह के भवन कबहुँ कि नारि खटाहिं।।79।।
चौपाई
अजहूँ मानहु कहा हमारा। हम तुम्ह कहुँ बरु नीक बिचारा।।
अति सुंदर सुचि सुखद सुसीला। गावहिं बेद जासु जस लीला।।
दूषन रहित सकल गुन रासी। श्रीपति पुर बैकुंठ निवासी।।
अस बरु तुम्हहि मिलाउब आनी। सुनत बिहसि कह बचन भवानी।।
सत्य कहेहु गिरिभव तनु एहा। हठ न छूट छूटै बरु देहा।।
कनकउ पुनि पषान तें होई। जारेहुँ सहजु न परिहर सोई।।
नारद बचन न मैं परिहरऊँ। बसउ भवनु उजरउ नहिं डरऊँ।।
गुर कें बचन प्रतीति न जेही। सपनेहुँ सुगम न सुख सिधि तेही।।
दोहा/सोरठा
महादेव अवगुन भवन बिष्नु सकल गुन धाम।
जेहि कर मनु रम जाहि सन तेहि तेही सन काम।।80।।
चौपाई
dacchasutanha upadēsēnhi jāī. tinha phiri bhavanu na dēkhā āī..
citrakētu kara gharu una ghālā. kanakakasipu kara puni asa hālā..
nārada sikha jē sunahiṃ nara nārī. avasi hōhiṃ taji bhavanu bhikhārī..
mana kapaṭī tana sajjana cīnhā. āpu sarisa sabahī caha kīnhā..
tēhi kēṃ bacana māni bisvāsā. tumha cāhahu pati sahaja udāsā..
nirguna nilaja kubēṣa kapālī. akula agēha digaṃbara byālī..
kahahu kavana sukhu asa baru pāēom. bhala bhūlihu ṭhaga kē baurāēom..
paṃca kahēṃ sivaom satī bibāhī. puni avaḍēri marāēnhi tāhī..
चौपाई
ajahūom mānahu kahā hamārā. hama tumha kahuom baru nīka bicārā..
ati suṃdara suci sukhada susīlā. gāvahiṃ bēda jāsu jasa līlā..
dūṣana rahita sakala guna rāsī. śrīpati pura baikuṃṭha nivāsī..
asa baru tumhahi milāuba ānī. sunata bihasi kaha bacana bhavānī..
satya kahēhu giribhava tanu ēhā. haṭha na chūṭa chūṭai baru dēhā..
kanakau puni paṣāna tēṃ hōī. jārēhuom sahaju na parihara sōī..
nārada bacana na maiṃ pariharaūom. basau bhavanu ujarau nahiṃ ḍaraūom..
gura kēṃ bacana pratīti na jēhī. sapanēhuom sugama na sukha sidhi tēhī..
दोहा/सोरठा
mahādēva avaguna bhavana biṣnu sakala guna dhāma.
jēhi kara manu rama jāhi sana tēhi tēhī sana kāma..80..
