चौपाई
सप्त प्रबन्ध सुभग सोपाना। ग्यान नयन निरखत मन माना।।
रघुपति महिमा अगुन अबाधा। बरनब सोइ बर बारि अगाधा।।
राम सीय जस सलिल सुधासम। उपमा बीचि बिलास मनोरम।।
पुरइनि सघन चारु चौपाई। जुगुति मंजु मनि सीप सुहाई।।
छंद सोरठा सुंदर दोहा। सोइ बहुरंग कमल कुल सोहा।।
अरथ अनूप सुमाव सुभासा। सोइ पराग मकरंद सुबासा।।
सुकृत पुंज मंजुल अलि माला। ग्यान बिराग बिचार मराला।।
धुनि अवरेब कबित गुन जाती। मीन मनोहर ते बहुभाँती।।
अरथ धरम कामादिक चारी। कहब ग्यान बिग्यान बिचारी।।
नव रस जप तप जोग बिरागा। ते सब जलचर चारु तड़ागा।।
सुकृती साधु नाम गुन गाना। ते बिचित्र जल बिहग समाना।।
संतसभा चहुँ दिसि अवँराई। श्रद्धा रितु बसंत सम गाई।।
भगति निरुपन बिबिध बिधाना। छमा दया दम लता बिताना।।
सम जम नियम फूल फल ग्याना। हरि पत रति रस बेद बखाना।।
औरउ कथा अनेक प्रसंगा। तेइ सुक पिक बहुबरन बिहंगा।।
दोहा/सोरठा
पुलक बाटिका बाग बन सुख सुबिहंग बिहारु।
माली सुमन सनेह जल सींचत लोचन चारु।।37।।
चौपाई
जे गावहिं यह चरित सँभारे। तेइ एहि ताल चतुर रखवारे।।
सदा सुनहिं सादर नर नारी। तेइ सुरबर मानस अधिकारी।।
अति खल जे बिषई बग कागा। एहिं सर निकट न जाहिं अभागा।।
संबुक भेक सेवार समाना। इहाँ न बिषय कथा रस नाना।।
तेहि कारन आवत हियँ हारे। कामी काक बलाक बिचारे।।
आवत एहिं सर अति कठिनाई। राम कृपा बिनु आइ न जाई।।
कठिन कुसंग कुपंथ कराला। तिन्ह के बचन बाघ हरि ब्याला।।
गृह कारज नाना जंजाला। ते अति दुर्गम सैल बिसाला।।
बन बहु बिषम मोह मद माना। नदीं कुतर्क भयंकर नाना।।
दोहा/सोरठा
जे श्रद्धा संबल रहित नहि संतन्ह कर साथ।
तिन्ह कहुँ मानस अगम अति जिन्हहि न प्रिय रघुनाथ।।38।।
चौपाई
sapta prabandha subhaga sōpānā. gyāna nayana nirakhata mana mānā..
raghupati mahimā aguna abādhā. baranaba sōi bara bāri agādhā..
rāma sīya jasa salila sudhāsama. upamā bīci bilāsa manōrama..
puraini saghana cāru caupāī. juguti maṃju mani sīpa suhāī..
chaṃda sōraṭhā suṃdara dōhā. sōi bahuraṃga kamala kula sōhā..
aratha anūpa sumāva subhāsā. sōi parāga makaraṃda subāsā..
sukṛta puṃja maṃjula ali mālā. gyāna birāga bicāra marālā..
dhuni avarēba kabita guna jātī. mīna manōhara tē bahubhāomtī..
aratha dharama kāmādika cārī. kahaba gyāna bigyāna bicārī..
nava rasa japa tapa jōga birāgā. tē saba jalacara cāru taḍaāgā..
sukṛtī sādhu nāma guna gānā. tē bicitra jala bihaga samānā..
saṃtasabhā cahuom disi avaomrāī. śraddhā ritu basaṃta sama gāī..
bhagati nirupana bibidha bidhānā. chamā dayā dama latā bitānā..
sama jama niyama phūla phala gyānā. hari pata rati rasa bēda bakhānā..
aurau kathā anēka prasaṃgā. tēi suka pika bahubarana bihaṃgā..
चौपाई
jē gāvahiṃ yaha carita saombhārē. tēi ēhi tāla catura rakhavārē..
sadā sunahiṃ sādara nara nārī. tēi surabara mānasa adhikārī..
ati khala jē biṣaī baga kāgā. ēhiṃ sara nikaṭa na jāhiṃ abhāgā..
saṃbuka bhēka sēvāra samānā. ihāom na biṣaya kathā rasa nānā..
tēhi kārana āvata hiyaom hārē. kāmī kāka balāka bicārē..
āvata ēhiṃ sara ati kaṭhināī. rāma kṛpā binu āi na jāī..
kaṭhina kusaṃga kupaṃtha karālā. tinha kē bacana bāgha hari byālā..
gṛha kāraja nānā jaṃjālā. tē ati durgama saila bisālā..
bana bahu biṣama mōha mada mānā. nadīṃ kutarka bhayaṃkara nānā..
