चौपाई
भूप भवन तेहि अवसर सोहा। रचना देखि मदन मनु मोहा।।
मंगल सगुन मनोहरताई। रिधि सिधि सुख संपदा सुहाई।।
जनु उछाह सब सहज सुहाए। तनु धरि धरि दसरथ दसरथ गृहँ छाए।।
देखन हेतु राम बैदेही। कहहु लालसा होहि न केही।।
जुथ जूथ मिलि चलीं सुआसिनि। निज छबि निदरहिं मदन बिलासनि।।
सकल सुमंगल सजें आरती। गावहिं जनु बहु बेष भारती।।
भूपति भवन कोलाहलु होई। जाइ न बरनि समउ सुखु सोई।।
कौसल्यादि राम महतारीं। प्रेम बिबस तन दसा बिसारीं।।
दोहा/सोरठा
दिए दान बिप्रन्ह बिपुल पूजि गनेस पुरारी।
प्रमुदित परम दरिद्र जनु पाइ पदारथ चारि।।345।।
चौपाई
मोद प्रमोद बिबस सब माता। चलहिं न चरन सिथिल भए गाता।।
राम दरस हित अति अनुरागीं। परिछनि साजु सजन सब लागीं।।
बिबिध बिधान बाजने बाजे। मंगल मुदित सुमित्राँ साजे।।
हरद दूब दधि पल्लव फूला। पान पूगफल मंगल मूला।।
अच्छत अंकुर लोचन लाजा। मंजुल मंजरि तुलसि बिराजा।।
छुहे पुरट घट सहज सुहाए। मदन सकुन जनु नीड़ बनाए।।
सगुन सुंगध न जाहिं बखानी। मंगल सकल सजहिं सब रानी।।
रचीं आरतीं बहुत बिधाना। मुदित करहिं कल मंगल गाना।।
दोहा/सोरठा
कनक थार भरि मंगलन्हि कमल करन्हि लिएँ मात।
चलीं मुदित परिछनि करन पुलक पल्लवित गात।।346।।
चौपाई
bhūpa bhavana tēhi avasara sōhā. racanā dēkhi madana manu mōhā..
maṃgala saguna manōharatāī. ridhi sidhi sukha saṃpadā suhāī..
janu uchāha saba sahaja suhāē. tanu dhari dhari dasaratha dasaratha gṛhaom chāē..
dēkhana hētu rāma baidēhī. kahahu lālasā hōhi na kēhī..
jutha jūtha mili calīṃ suāsini. nija chabi nidarahiṃ madana bilāsani..
sakala sumaṃgala sajēṃ āratī. gāvahiṃ janu bahu bēṣa bhāratī..
bhūpati bhavana kōlāhalu hōī. jāi na barani samau sukhu sōī..
kausalyādi rāma mahatārīṃ. prēma bibasa tana dasā bisārīṃ..
चौपाई
mōda pramōda bibasa saba mātā. calahiṃ na carana sithila bhaē gātā..
rāma darasa hita ati anurāgīṃ. parichani sāju sajana saba lāgīṃ..
bibidha bidhāna bājanē bājē. maṃgala mudita sumitrāom sājē..
harada dūba dadhi pallava phūlā. pāna pūgaphala maṃgala mūlā..
acchata aṃkura lōcana lājā. maṃjula maṃjari tulasi birājā..
chuhē puraṭa ghaṭa sahaja suhāē. madana sakuna janu nīḍa banāē..
saguna suṃgadha na jāhiṃ bakhānī. maṃgala sakala sajahiṃ saba rānī..
racīṃ āratīṃ bahuta bidhānā. mudita karahiṃ kala maṃgala gānā..
