चौपाई
पुरबासी सुनि चलिहि बराता। बूझत बिकल परस्पर बाता।।
सत्य गवनु सुनि सब बिलखाने। मनहुँ साँझ सरसिज सकुचाने।।
जहँ जहँ आवत बसे बराती। तहँ तहँ सिद्ध चला बहु भाँती।।
बिबिध भाँति मेवा पकवाना। भोजन साजु न जाइ बखाना।।
भरि भरि बसहँ अपार कहारा। पठई जनक अनेक सुसारा।।
तुरग लाख रथ सहस पचीसा। सकल सँवारे नख अरु सीसा।।
मत्त सहस दस सिंधुर साजे। जिन्हहि देखि दिसिकुंजर लाजे।।
कनक बसन मनि भरि भरि जाना। महिषीं धेनु बस्तु बिधि नाना।।
दोहा/सोरठा
दाइज अमित न सकिअ कहि दीन्ह बिदेहँ बहोरि।
जो अवलोकत लोकपति लोक संपदा थोरि।।333।।
चौपाई
सबु समाजु एहि भाँति बनाई। जनक अवधपुर दीन्ह पठाई।।
चलिहि बरात सुनत सब रानीं। बिकल मीनगन जनु लघु पानीं।।
पुनि पुनि सीय गोद करि लेहीं। देइ असीस सिखावनु देहीं।।
होएहु संतत पियहि पिआरी। चिरु अहिबात असीस हमारी।।
सासु ससुर गुर सेवा करेहू। पति रुख लखि आयसु अनुसरेहू।।
अति सनेह बस सखीं सयानी। नारि धरम सिखवहिं मृदु बानी।।
सादर सकल कुअँरि समुझाई। रानिन्ह बार बार उर लाई।।
बहुरि बहुरि भेटहिं महतारीं। कहहिं बिरंचि रचीं कत नारीं।।
दोहा/सोरठा
तेहि अवसर भाइन्ह सहित रामु भानु कुल केतु।
चले जनक मंदिर मुदित बिदा करावन हेतु।।334।।
चौपाई
purabāsī suni calihi barātā. būjhata bikala paraspara bātā..
satya gavanu suni saba bilakhānē. manahuom sāomjha sarasija sakucānē..
jahaom jahaom āvata basē barātī. tahaom tahaom siddha calā bahu bhāomtī..
bibidha bhāomti mēvā pakavānā. bhōjana sāju na jāi bakhānā..
bhari bhari basahaom apāra kahārā. paṭhaī janaka anēka susārā..
turaga lākha ratha sahasa pacīsā. sakala saomvārē nakha aru sīsā..
matta sahasa dasa siṃdhura sājē. jinhahi dēkhi disikuṃjara lājē..
kanaka basana mani bhari bhari jānā. mahiṣīṃ dhēnu bastu bidhi nānā..
चौपाई
sabu samāju ēhi bhāomti banāī. janaka avadhapura dīnha paṭhāī..
calihi barāta sunata saba rānīṃ. bikala mīnagana janu laghu pānīṃ..
puni puni sīya gōda kari lēhīṃ. dēi asīsa sikhāvanu dēhīṃ..
hōēhu saṃtata piyahi piārī. ciru ahibāta asīsa hamārī..
sāsu sasura gura sēvā karēhū. pati rukha lakhi āyasu anusarēhū..
ati sanēha basa sakhīṃ sayānī. nāri dharama sikhavahiṃ mṛdu bānī..
sādara sakala kuaomri samujhāī. rāninha bāra bāra ura lāī..
bahuri bahuri bhēṭahiṃ mahatārīṃ. kahahiṃ biraṃci racīṃ kata nārīṃ..
