चौपाई
बाँधे बिरद बीर रन गाढ़े। निकसि भए पुर बाहेर ठाढ़े।।
फेरहिं चतुर तुरग गति नाना। हरषहिं सुनि सुनि पवन निसाना।।
रथ सारथिन्ह बिचित्र बनाए। ध्वज पताक मनि भूषन लाए।।
चवँर चारु किंकिन धुनि करही। भानु जान सोभा अपहरहीं।।
सावँकरन अगनित हय होते। ते तिन्ह रथन्ह सारथिन्ह जोते।।
सुंदर सकल अलंकृत सोहे। जिन्हहि बिलोकत मुनि मन मोहे।।
जे जल चलहिं थलहि की नाई। टाप न बूड़ बेग अधिकाई।।
अस्त्र सस्त्र सबु साजु बनाई। रथी सारथिन्ह लिए बोलाई।।
दोहा/सोरठा
चढ़ि चढ़ि रथ बाहेर नगर लागी जुरन बरात।
होत सगुन सुन्दर सबहि जो जेहि कारज जात।।299।।
चौपाई
कलित करिबरन्हि परीं अँबारीं। कहि न जाहिं जेहि भाँति सँवारीं।।
चले मत्तगज घंट बिराजी। मनहुँ सुभग सावन घन राजी।।
बाहन अपर अनेक बिधाना। सिबिका सुभग सुखासन जाना।।
तिन्ह चढ़ि चले बिप्रबर बृन्दा। जनु तनु धरें सकल श्रुति छंदा।।
मागध सूत बंदि गुनगायक। चले जान चढ़ि जो जेहि लायक।।
बेसर ऊँट बृषभ बहु जाती। चले बस्तु भरि अगनित भाँती।।
कोटिन्ह काँवरि चले कहारा। बिबिध बस्तु को बरनै पारा।।
चले सकल सेवक समुदाई। निज निज साजु समाजु बनाई।।
दोहा/सोरठा
सब कें उर निर्भर हरषु पूरित पुलक सरीर।
कबहिं देखिबे नयन भरि रामु लखनू दोउ बीर।।300।।
चौपाई
bāomdhē birada bīra rana gāḍhaē. nikasi bhaē pura bāhēra ṭhāḍhaē..
phērahiṃ catura turaga gati nānā. haraṣahiṃ suni suni pavana nisānā..
ratha sārathinha bicitra banāē. dhvaja patāka mani bhūṣana lāē..
cavaomra cāru kiṃkina dhuni karahī. bhānu jāna sōbhā apaharahīṃ..
sāvaomkarana aganita haya hōtē. tē tinha rathanha sārathinha jōtē..
suṃdara sakala alaṃkṛta sōhē. jinhahi bilōkata muni mana mōhē..
jē jala calahiṃ thalahi kī nāī. ṭāpa na būḍa bēga adhikāī..
astra sastra sabu sāju banāī. rathī sārathinha liē bōlāī..
चौपाई
kalita karibaranhi parīṃ aombārīṃ. kahi na jāhiṃ jēhi bhāomti saomvārīṃ..
calē mattagaja ghaṃṭa birājī. manahuom subhaga sāvana ghana rājī..
bāhana apara anēka bidhānā. sibikā subhaga sukhāsana jānā..
tinha caḍhai calē biprabara bṛndā. janu tanu dharēṃ sakala śruti chaṃdā..
māgadha sūta baṃdi gunagāyaka. calē jāna caḍhai jō jēhi lāyaka..
bēsara ūomṭa bṛṣabha bahu jātī. calē bastu bhari aganita bhāomtī..
kōṭinha kāomvari calē kahārā. bibidha bastu kō baranai pārā..
calē sakala sēvaka samudāī. nija nija sāju samāju banāī..
