चौपाई
सुनि सरोष भृगुनायकु आए। बहुत भाँति तिन्ह आँखि देखाए।।
देखि राम बलु निज धनु दीन्हा। करि बहु बिनय गवनु बन कीन्हा।।
राजन रामु अतुलबल जैसें। तेज निधान लखनु पुनि तैसें।।
कंपहि भूप बिलोकत जाकें। जिमि गज हरि किसोर के ताकें।।
देव देखि तव बालक दोऊ। अब न आँखि तर आवत कोऊ।।
दूत बचन रचना प्रिय लागी। प्रेम प्रताप बीर रस पागी।।
सभा समेत राउ अनुरागे। दूतन्ह देन निछावरि लागे।।
कहि अनीति ते मूदहिं काना। धरमु बिचारि सबहिं सुख माना।।
दोहा/सोरठा
तब उठि भूप बसिष्ठ कहुँ दीन्हि पत्रिका जाइ।
कथा सुनाई गुरहि सब सादर दूत बोलाइ।।293।।
चौपाई
सुनि बोले गुर अति सुखु पाई। पुन्य पुरुष कहुँ महि सुख छाई।।
जिमि सरिता सागर महुँ जाहीं। जद्यपि ताहि कामना नाहीं।।
तिमि सुख संपति बिनहिं बोलाएँ। धरमसील पहिं जाहिं सुभाएँ।।
तुम्ह गुर बिप्र धेनु सुर सेबी। तसि पुनीत कौसल्या देबी।।
सुकृती तुम्ह समान जग माहीं। भयउ न है कोउ होनेउ नाहीं।।
तुम्ह ते अधिक पुन्य बड़ काकें। राजन राम सरिस सुत जाकें।।
बीर बिनीत धरम ब्रत धारी। गुन सागर बर बालक चारी।।
तुम्ह कहुँ सर्ब काल कल्याना। सजहु बरात बजाइ निसाना।।
दोहा/सोरठा
चलहु बेगि सुनि गुर बचन भलेहिं नाथ सिरु नाइ।
भूपति गवने भवन तब दूतन्ह बासु देवाइ।।294।।
चौपाई
suni sarōṣa bhṛgunāyaku āē. bahuta bhāomti tinha āomkhi dēkhāē..
dēkhi rāma balu nija dhanu dīnhā. kari bahu binaya gavanu bana kīnhā..
rājana rāmu atulabala jaisēṃ. tēja nidhāna lakhanu puni taisēṃ..
kaṃpahi bhūpa bilōkata jākēṃ. jimi gaja hari kisōra kē tākēṃ..
dēva dēkhi tava bālaka dōū. aba na āomkhi tara āvata kōū..
dūta bacana racanā priya lāgī. prēma pratāpa bīra rasa pāgī..
sabhā samēta rāu anurāgē. dūtanha dēna nichāvari lāgē..
kahi anīti tē mūdahiṃ kānā. dharamu bicāri sabahiṃ sukha mānā..
चौपाई
suni bōlē gura ati sukhu pāī. punya puruṣa kahuom mahi sukha chāī..
jimi saritā sāgara mahuom jāhīṃ. jadyapi tāhi kāmanā nāhīṃ..
timi sukha saṃpati binahiṃ bōlāēom. dharamasīla pahiṃ jāhiṃ subhāēom..
tumha gura bipra dhēnu sura sēbī. tasi punīta kausalyā dēbī..
sukṛtī tumha samāna jaga māhīṃ. bhayau na hai kōu hōnēu nāhīṃ..
tumha tē adhika punya baḍa kākēṃ. rājana rāma sarisa suta jākēṃ..
bīra binīta dharama brata dhārī. guna sāgara bara bālaka cārī..
tumha kahuom sarba kāla kalyānā. sajahu barāta bajāi nisānā..
