चौपाई
जय रघुबंस बनज बन भानू। गहन दनुज कुल दहन कृसानु।।
जय सुर बिप्र धेनु हितकारी। जय मद मोह कोह भ्रम हारी।।
बिनय सील करुना गुन सागर। जयति बचन रचना अति नागर।।
सेवक सुखद सुभग सब अंगा। जय सरीर छबि कोटि अनंगा।।
करौं काह मुख एक प्रसंसा। जय महेस मन मानस हंसा।।
अनुचित बहुत कहेउँ अग्याता। छमहु छमामंदिर दोउ भ्राता।।
कहि जय जय जय रघुकुलकेतू। भृगुपति गए बनहि तप हेतू।।
अपभयँ कुटिल महीप डेराने। जहँ तहँ कायर गवँहिं पराने।।
दोहा/सोरठा
देवन्ह दीन्हीं दुंदुभीं प्रभु पर बरषहिं फूल।
हरषे पुर नर नारि सब मिटी मोहमय सूल।।285।।
चौपाई
अति गहगहे बाजने बाजे। सबहिं मनोहर मंगल साजे।।
जूथ जूथ मिलि सुमुख सुनयनीं। करहिं गान कल कोकिलबयनी।।
सुखु बिदेह कर बरनि न जाई। जन्मदरिद्र मनहुँ निधि पाई।।
गत त्रास भइ सीय सुखारी। जनु बिधु उदयँ चकोरकुमारी।।
जनक कीन्ह कौसिकहि प्रनामा। प्रभु प्रसाद धनु भंजेउ रामा।।
मोहि कृतकृत्य कीन्ह दुहुँ भाईं। अब जो उचित सो कहिअ गोसाई।।
कह मुनि सुनु नरनाथ प्रबीना। रहा बिबाहु चाप आधीना।।
टूटतहीं धनु भयउ बिबाहू। सुर नर नाग बिदित सब काहु।।
दोहा/सोरठा
तदपि जाइ तुम्ह करहु अब जथा बंस ब्यवहारु।
बूझि बिप्र कुलबृद्ध गुर बेद बिदित आचारु।।286।।
चौपाई
jaya raghubaṃsa banaja bana bhānū. gahana danuja kula dahana kṛsānu..
jaya sura bipra dhēnu hitakārī. jaya mada mōha kōha bhrama hārī..
binaya sīla karunā guna sāgara. jayati bacana racanā ati nāgara..
sēvaka sukhada subhaga saba aṃgā. jaya sarīra chabi kōṭi anaṃgā..
karauṃ kāha mukha ēka prasaṃsā. jaya mahēsa mana mānasa haṃsā..
anucita bahuta kahēuom agyātā. chamahu chamāmaṃdira dōu bhrātā..
kahi jaya jaya jaya raghukulakētū. bhṛgupati gaē banahi tapa hētū..
apabhayaom kuṭila mahīpa ḍērānē. jahaom tahaom kāyara gavaomhiṃ parānē..
चौपाई
ati gahagahē bājanē bājē. sabahiṃ manōhara maṃgala sājē..
jūtha jūtha mili sumukha sunayanīṃ. karahiṃ gāna kala kōkilabayanī..
sukhu bidēha kara barani na jāī. janmadaridra manahuom nidhi pāī..
gata trāsa bhai sīya sukhārī. janu bidhu udayaom cakōrakumārī..
janaka kīnha kausikahi pranāmā. prabhu prasāda dhanu bhaṃjēu rāmā..
mōhi kṛtakṛtya kīnha duhuom bhāīṃ. aba jō ucita sō kahia gōsāī..
kaha muni sunu naranātha prabīnā. rahā bibāhu cāpa ādhīnā..
ṭūṭatahīṃ dhanu bhayau bibāhū. sura nara nāga bidita saba kāhu..
