चौपाई
तुम्ह तौ कालु हाँक जनु लावा। बार बार मोहि लागि बोलावा।।
सुनत लखन के बचन कठोरा। परसु सुधारि धरेउ कर घोरा।।
अब जनि देइ दोसु मोहि लोगू। कटुबादी बालकु बधजोगू।।
बाल बिलोकि बहुत मैं बाँचा। अब यहु मरनिहार भा साँचा।।
कौसिक कहा छमिअ अपराधू। बाल दोष गुन गनहिं न साधू।।
खर कुठार मैं अकरुन कोही। आगें अपराधी गुरुद्रोही।।
उतर देत छोड़उँ बिनु मारें। केवल कौसिक सील तुम्हारें।।
न त एहि काटि कुठार कठोरें। गुरहि उरिन होतेउँ श्रम थोरें।।
दोहा/सोरठा
गाधिसूनु कह हृदयँ हँसि मुनिहि हरिअरइ सूझ।
अयमय खाँड न ऊखमय अजहुँ न बूझ अबूझ।।275।।
चौपाई
कहेउ लखन मुनि सीलु तुम्हारा। को नहि जान बिदित संसारा।।
माता पितहि उरिन भए नीकें। गुर रिनु रहा सोचु बड़ जीकें।।
सो जनु हमरेहि माथे काढ़ा। दिन चलि गए ब्याज बड़ बाढ़ा।।
अब आनिअ ब्यवहरिआ बोली। तुरत देउँ मैं थैली खोली।।
सुनि कटु बचन कुठार सुधारा। हाय हाय सब सभा पुकारा।।
भृगुबर परसु देखावहु मोही। बिप्र बिचारि बचउँ नृपद्रोही।।
मिले न कबहुँ सुभट रन गाढ़े। द्विज देवता घरहि के बाढ़े।।
अनुचित कहि सब लोग पुकारे। रघुपति सयनहिं लखनु नेवारे।।
दोहा/सोरठा
लखन उतर आहुति सरिस भृगुबर कोपु कृसानु।
बढ़त देखि जल सम बचन बोले रघुकुलभानु।।276।।
चौपाई
tumha tau kālu hāomka janu lāvā. bāra bāra mōhi lāgi bōlāvā..
sunata lakhana kē bacana kaṭhōrā. parasu sudhāri dharēu kara ghōrā..
aba jani dēi dōsu mōhi lōgū. kaṭubādī bālaku badhajōgū..
bāla bilōki bahuta maiṃ bāomcā. aba yahu maranihāra bhā sāomcā..
kausika kahā chamia aparādhū. bāla dōṣa guna ganahiṃ na sādhū..
khara kuṭhāra maiṃ akaruna kōhī. āgēṃ aparādhī gurudrōhī..
utara dēta chōḍauom binu mārēṃ. kēvala kausika sīla tumhārēṃ..
na ta ēhi kāṭi kuṭhāra kaṭhōrēṃ. gurahi urina hōtēuom śrama thōrēṃ..
चौपाई
kahēu lakhana muni sīlu tumhārā. kō nahi jāna bidita saṃsārā..
mātā pitahi urina bhaē nīkēṃ. gura rinu rahā sōcu baḍa jīkēṃ..
sō janu hamarēhi māthē kāḍhaā. dina cali gaē byāja baḍa bāḍhaā..
aba ānia byavahariā bōlī. turata dēuom maiṃ thailī khōlī..
suni kaṭu bacana kuṭhāra sudhārā. hāya hāya saba sabhā pukārā..
bhṛgubara parasu dēkhāvahu mōhī. bipra bicāri bacauom nṛpadrōhī..
milē na kabahuom subhaṭa rana gāḍhaē. dvija dēvatā gharahi kē bāḍhaē..
anucita kahi saba lōga pukārē. raghupati sayanahiṃ lakhanu nēvārē..
