चौपाई
पुर अरु ब्योम बाजने बाजे। खल भए मलिन साधु सब राजे।।
सुर किंनर नर नाग मुनीसा। जय जय जय कहि देहिं असीसा।।
नाचहिं गावहिं बिबुध बधूटीं। बार बार कुसुमांजलि छूटीं।।
जहँ तहँ बिप्र बेदधुनि करहीं। बंदी बिरदावलि उच्चरहीं।।
महि पाताल नाक जसु ब्यापा। राम बरी सिय भंजेउ चापा।।
करहिं आरती पुर नर नारी। देहिं निछावरि बित्त बिसारी।।
सोहति सीय राम कै जौरी। छबि सिंगारु मनहुँ एक ठोरी।।
सखीं कहहिं प्रभुपद गहु सीता। करति न चरन परस अति भीता।।
दोहा/सोरठा
गौतम तिय गति सुरति करि नहिं परसति पग पानि।
मन बिहसे रघुबंसमनि प्रीति अलौकिक जानि।।265।।
चौपाई
तब सिय देखि भूप अभिलाषे। कूर कपूत मूढ़ मन माखे।।
उठि उठि पहिरि सनाह अभागे। जहँ तहँ गाल बजावन लागे।।
लेहु छड़ाइ सीय कह कोऊ। धरि बाँधहु नृप बालक दोऊ।।
तोरें धनुषु चाड़ नहिं सरई। जीवत हमहि कुअँरि को बरई।।
जौं बिदेहु कछु करै सहाई। जीतहु समर सहित दोउ भाई।।
साधु भूप बोले सुनि बानी। राजसमाजहि लाज लजानी।।
बलु प्रतापु बीरता बड़ाई। नाक पिनाकहि संग सिधाई।।
सोइ सूरता कि अब कहुँ पाई। असि बुधि तौ बिधि मुहँ मसि लाई।।
दोहा/सोरठा
देखहु रामहि नयन भरि तजि इरिषा मदु कोहु।
लखन रोषु पावकु प्रबल जानि सलभ जनि होहु।।266।।
चौपाई
pura aru byōma bājanē bājē. khala bhaē malina sādhu saba rājē..
sura kiṃnara nara nāga munīsā. jaya jaya jaya kahi dēhiṃ asīsā..
nācahiṃ gāvahiṃ bibudha badhūṭīṃ. bāra bāra kusumāṃjali chūṭīṃ..
jahaom tahaom bipra bēdadhuni karahīṃ. baṃdī biradāvali uccarahīṃ..
mahi pātāla nāka jasu byāpā. rāma barī siya bhaṃjēu cāpā..
karahiṃ āratī pura nara nārī. dēhiṃ nichāvari bitta bisārī..
sōhati sīya rāma kai jaurī. chabi siṃgāru manahuom ēka ṭhōrī..
sakhīṃ kahahiṃ prabhupada gahu sītā. karati na carana parasa ati bhītā..
चौपाई
taba siya dēkhi bhūpa abhilāṣē. kūra kapūta mūḍha mana mākhē..
uṭhi uṭhi pahiri sanāha abhāgē. jahaom tahaom gāla bajāvana lāgē..
lēhu chaḍaāi sīya kaha kōū. dhari bāomdhahu nṛpa bālaka dōū..
tōrēṃ dhanuṣu cāḍa nahiṃ saraī. jīvata hamahi kuaomri kō baraī..
jauṃ bidēhu kachu karai sahāī. jītahu samara sahita dōu bhāī..
sādhu bhūpa bōlē suni bānī. rājasamājahi lāja lajānī..
balu pratāpu bīratā baḍaāī. nāka pinākahi saṃga sidhāī..
sōi sūratā ki aba kahuom pāī. asi budhi tau bidhi muhaom masi lāī..
