चौपाई
राम सुकंठ बिभीषन दोऊ। राखे सरन जान सबु कोऊ।।
नाम गरीब अनेक नेवाजे। लोक बेद बर बिरिद बिराजे।।
राम भालु कपि कटकु बटोरा। सेतु हेतु श्रमु कीन्ह न थोरा।।
नामु लेत भवसिंधु सुखाहीं। करहु बिचारु सुजन मन माहीं।।
राम सकुल रन रावनु मारा। सीय सहित निज पुर पगु धारा।।
राजा रामु अवध रजधानी। गावत गुन सुर मुनि बर बानी।।
सेवक सुमिरत नामु सप्रीती। बिनु श्रम प्रबल मोह दलु जीती।।
फिरत सनेहँ मगन सुख अपनें। नाम प्रसाद सोच नहिं सपनें।।
दोहा/सोरठा
ब्रह्म राम तें नामु बड़ बर दायक बर दानि।
रामचरित सत कोटि महँ लिय महेस जियँ जानि।।25।।
चौपाई
नाम प्रसाद संभु अबिनासी। साजु अमंगल मंगल रासी।।
सुक सनकादि सिद्ध मुनि जोगी। नाम प्रसाद ब्रह्मसुख भोगी।।
नारद जानेउ नाम प्रतापू। जग प्रिय हरि हरि हर प्रिय आपू।।
नामु जपत प्रभु कीन्ह प्रसादू। भगत सिरोमनि भे प्रहलादू।।
ध्रुवँ सगलानि जपेउ हरि नाऊँ। पायउ अचल अनूपम ठाऊँ।।
सुमिरि पवनसुत पावन नामू। अपने बस करि राखे रामू।।
अपतु अजामिलु गजु गनिकाऊ। भए मुकुत हरि नाम प्रभाऊ।।
कहौं कहाँ लगि नाम बड़ाई। रामु न सकहिं नाम गुन गाई।।
दोहा/सोरठा
नामु राम को कलपतरु कलि कल्यान निवासु।
जो सुमिरत भयो भाँग तें तुलसी तुलसीदासु।।26।।
चौपाई
rāma sukaṃṭha bibhīṣana dōū. rākhē sarana jāna sabu kōū..
nāma garība anēka nēvājē. lōka bēda bara birida birājē..
rāma bhālu kapi kaṭaku baṭōrā. sētu hētu śramu kīnha na thōrā..
nāmu lēta bhavasiṃdhu sukhāhīṃ. karahu bicāru sujana mana māhīṃ..
rāma sakula rana rāvanu mārā. sīya sahita nija pura pagu dhārā..
rājā rāmu avadha rajadhānī. gāvata guna sura muni bara bānī..
sēvaka sumirata nāmu saprītī. binu śrama prabala mōha dalu jītī..
phirata sanēhaom magana sukha apanēṃ. nāma prasāda sōca nahiṃ sapanēṃ..
चौपाई
nāma prasāda saṃbhu abināsī. sāju amaṃgala maṃgala rāsī..
suka sanakādi siddha muni jōgī. nāma prasāda brahmasukha bhōgī..
nārada jānēu nāma pratāpū. jaga priya hari hari hara priya āpū..
nāmu japata prabhu kīnha prasādū. bhagata sirōmani bhē prahalādū..
dhruvaom sagalāni japēu hari nāūom. pāyau acala anūpama ṭhāūom..
sumiri pavanasuta pāvana nāmū. apanē basa kari rākhē rāmū..
apatu ajāmilu gaju ganikāū. bhaē mukuta hari nāma prabhāū..
kahauṃ kahāom lagi nāma baḍaāī. rāmu na sakahiṃ nāma guna gāī..
