चौपाई
कहहु सखी अस को तनुधारी। जो न मोह यह रूप निहारी।।
कोउ सप्रेम बोली मृदु बानी। जो मैं सुना सो सुनहु सयानी।।
ए दोऊ दसरथ के ढोटा। बाल मरालन्हि के कल जोटा।।
मुनि कौसिक मख के रखवारे। जिन्ह रन अजिर निसाचर मारे।।
स्याम गात कल कंज बिलोचन। जो मारीच सुभुज मदु मोचन।।
कौसल्या सुत सो सुख खानी। नामु रामु धनु सायक पानी।।
गौर किसोर बेषु बर काछें। कर सर चाप राम के पाछें।।
लछिमनु नामु राम लघु भ्राता। सुनु सखि तासु सुमित्रा माता।।
दोहा/सोरठा
बिप्रकाजु करि बंधु दोउ मग मुनिबधू उधारि।
आए देखन चापमख सुनि हरषीं सब नारि।।221।।
चौपाई
देखि राम छबि कोउ एक कहई। जोगु जानकिहि यह बरु अहई।।
जौ सखि इन्हहि देख नरनाहू। पन परिहरि हठि करइ बिबाहू।।
कोउ कह ए भूपति पहिचाने। मुनि समेत सादर सनमाने।।
सखि परंतु पनु राउ न तजई। बिधि बस हठि अबिबेकहि भजई।।
कोउ कह जौं भल अहइ बिधाता। सब कहँ सुनिअ उचित फलदाता।।
तौ जानकिहि मिलिहि बरु एहू। नाहिन आलि इहाँ संदेहू।।
जौ बिधि बस अस बनै सँजोगू। तौ कृतकृत्य होइ सब लोगू।।
सखि हमरें आरति अति तातें। कबहुँक ए आवहिं एहि नातें।।
दोहा/सोरठा
नाहिं त हम कहुँ सुनहु सखि इन्ह कर दरसनु दूरि।
यह संघटु तब होइ जब पुन्य पुराकृत भूरि।।222।।
चौपाई
kahahu sakhī asa kō tanudhārī. jō na mōha yaha rūpa nihārī..
kōu saprēma bōlī mṛdu bānī. jō maiṃ sunā sō sunahu sayānī..
ē dōū dasaratha kē ḍhōṭā. bāla marālanhi kē kala jōṭā..
muni kausika makha kē rakhavārē. jinha rana ajira nisācara mārē..
syāma gāta kala kaṃja bilōcana. jō mārīca subhuja madu mōcana..
kausalyā suta sō sukha khānī. nāmu rāmu dhanu sāyaka pānī..
gaura kisōra bēṣu bara kāchēṃ. kara sara cāpa rāma kē pāchēṃ..
lachimanu nāmu rāma laghu bhrātā. sunu sakhi tāsu sumitrā mātā..
चौपाई
dēkhi rāma chabi kōu ēka kahaī. jōgu jānakihi yaha baru ahaī..
jau sakhi inhahi dēkha naranāhū. pana parihari haṭhi karai bibāhū..
kōu kaha ē bhūpati pahicānē. muni samēta sādara sanamānē..
sakhi paraṃtu panu rāu na tajaī. bidhi basa haṭhi abibēkahi bhajaī..
kōu kaha jauṃ bhala ahai bidhātā. saba kahaom sunia ucita phaladātā..
tau jānakihi milihi baru ēhū. nāhina āli ihāom saṃdēhū..
jau bidhi basa asa banai saomjōgū. tau kṛtakṛtya hōi saba lōgū..
sakhi hamarēṃ ārati ati tātēṃ. kabahuomka ē āvahiṃ ēhi nātēṃ..
