चौपाई
मुनि आगमन सुना जब राजा। मिलन गयऊ लै बिप्र समाजा।।
करि दंडवत मुनिहि सनमानी। निज आसन बैठारेन्हि आनी।।
चरन पखारि कीन्हि अति पूजा। मो सम आजु धन्य नहिं दूजा।।
बिबिध भाँति भोजन करवावा। मुनिवर हृदयँ हरष अति पावा।।
पुनि चरननि मेले सुत चारी। राम देखि मुनि देह बिसारी।।
भए मगन देखत मुख सोभा। जनु चकोर पूरन ससि लोभा।।
तब मन हरषि बचन कह राऊ। मुनि अस कृपा न कीन्हिहु काऊ।।
केहि कारन आगमन तुम्हारा। कहहु सो करत न लावउँ बारा।।
असुर समूह सतावहिं मोही। मै जाचन आयउँ नृप तोही।।
अनुज समेत देहु रघुनाथा। निसिचर बध मैं होब सनाथा।।
दोहा/सोरठा
देहु भूप मन हरषित तजहु मोह अग्यान।
धर्म सुजस प्रभु तुम्ह कौं इन्ह कहँ अति कल्यान।।207।।
चौपाई
सुनि राजा अति अप्रिय बानी। हृदय कंप मुख दुति कुमुलानी।।
चौथेंपन पायउँ सुत चारी। बिप्र बचन नहिं कहेहु बिचारी।।
मागहु भूमि धेनु धन कोसा। सर्बस देउँ आजु सहरोसा।।
देह प्रान तें प्रिय कछु नाही। सोउ मुनि देउँ निमिष एक माही।।
सब सुत प्रिय मोहि प्रान कि नाईं। राम देत नहिं बनइ गोसाई।।
कहँ निसिचर अति घोर कठोरा। कहँ सुंदर सुत परम किसोरा।।
सुनि नृप गिरा प्रेम रस सानी। हृदयँ हरष माना मुनि ग्यानी।।
तब बसिष्ट बहु निधि समुझावा। नृप संदेह नास कहँ पावा।।
अति आदर दोउ तनय बोलाए। हृदयँ लाइ बहु भाँति सिखाए।।
मेरे प्रान नाथ सुत दोऊ। तुम्ह मुनि पिता आन नहिं कोऊ।।
दोहा/सोरठा
सौंपे भूप रिषिहि सुत बहु बिधि देइ असीस।
जननी भवन गए प्रभु चले नाइ पद सीस।।208(क)।।
पुरुषसिंह दोउ बीर हरषि चले मुनि भय हरन।।
कृपासिंधु मतिधीर अखिल बिस्व कारन करन।।208(ख)।।
चौपाई
muni āgamana sunā jaba rājā. milana gayaū lai bipra samājā..
kari daṃḍavata munihi sanamānī. nija āsana baiṭhārēnhi ānī..
carana pakhāri kīnhi ati pūjā. mō sama āju dhanya nahiṃ dūjā..
bibidha bhāomti bhōjana karavāvā. munivara hṛdayaom haraṣa ati pāvā..
puni caranani mēlē suta cārī. rāma dēkhi muni dēha bisārī..
bhaē magana dēkhata mukha sōbhā. janu cakōra pūrana sasi lōbhā..
taba mana haraṣi bacana kaha rāū. muni asa kṛpā na kīnhihu kāū..
kēhi kārana āgamana tumhārā. kahahu sō karata na lāvauom bārā..
asura samūha satāvahiṃ mōhī. mai jācana āyauom nṛpa tōhī..
anuja samēta dēhu raghunāthā. nisicara badha maiṃ hōba sanāthā..
चौपाई
suni rājā ati apriya bānī. hṛdaya kaṃpa mukha duti kumulānī..
cauthēṃpana pāyauom suta cārī. bipra bacana nahiṃ kahēhu bicārī..
māgahu bhūmi dhēnu dhana kōsā. sarbasa dēuom āju saharōsā..
dēha prāna tēṃ priya kachu nāhī. sōu muni dēuom nimiṣa ēka māhī..
saba suta priya mōhi prāna ki nāīṃ. rāma dēta nahiṃ banai gōsāī..
kahaom nisicara ati ghōra kaṭhōrā. kahaom suṃdara suta parama kisōrā..
suni nṛpa girā prēma rasa sānī. hṛdayaom haraṣa mānā muni gyānī..
taba basiṣṭa bahu nidhi samujhāvā. nṛpa saṃdēha nāsa kahaom pāvā..
ati ādara dōu tanaya bōlāē. hṛdayaom lāi bahu bhāomti sikhāē..
mērē prāna nātha suta dōū. tumha muni pitā āna nahiṃ kōū..
