चौपाई
सई तीर बसि चले बिहाने। सृंगबेरपुर सब निअराने।।
समाचार सब सुने निषादा। हृदयँ बिचार करइ सबिषादा।।
कारन कवन भरतु बन जाहीं। है कछु कपट भाउ मन माहीं।।
जौं पै जियँ न होति कुटिलाई। तौ कत लीन्ह संग कटकाई।।
जानहिं सानुज रामहि मारी। करउँ अकंटक राजु सुखारी।।
भरत न राजनीति उर आनी। तब कलंकु अब जीवन हानी।।
सकल सुरासुर जुरहिं जुझारा। रामहि समर न जीतनिहारा।।
का आचरजु भरतु अस करहीं। नहिं बिष बेलि अमिअ फल फरहीं।।
दोहा/सोरठा
अस बिचारि गुहँ ग्याति सन कहेउ सजग सब होहु।
हथवाँसहु बोरहु तरनि कीजिअ घाटारोहु।।189।।
चौपाई
होहु सँजोइल रोकहु घाटा। ठाटहु सकल मरै के ठाटा।।
सनमुख लोह भरत सन लेऊँ। जिअत न सुरसरि उतरन देऊँ।।
समर मरनु पुनि सुरसरि तीरा। राम काजु छनभंगु सरीरा।।
भरत भाइ नृपु मै जन नीचू। बड़ें भाग असि पाइअ मीचू।।
स्वामि काज करिहउँ रन रारी। जस धवलिहउँ भुवन दस चारी।।
तजउँ प्रान रघुनाथ निहोरें। दुहूँ हाथ मुद मोदक मोरें।।
साधु समाज न जाकर लेखा। राम भगत महुँ जासु न रेखा।।
जायँ जिअत जग सो महि भारू। जननी जौबन बिटप कुठारू।।
दोहा/सोरठा
बिगत बिषाद निषादपति सबहि बढ़ाइ उछाहु।
सुमिरि राम मागेउ तुरत तरकस धनुष सनाहु।।190।।
चौपाई
saī tīra basi calē bihānē. sṛṃgabērapura saba niarānē..
samācāra saba sunē niṣādā. hṛdayaom bicāra karai sabiṣādā..
kārana kavana bharatu bana jāhīṃ. hai kachu kapaṭa bhāu mana māhīṃ..
jauṃ pai jiyaom na hōti kuṭilāī. tau kata līnha saṃga kaṭakāī..
jānahiṃ sānuja rāmahi mārī. karauom akaṃṭaka rāju sukhārī..
bharata na rājanīti ura ānī. taba kalaṃku aba jīvana hānī..
sakala surāsura jurahiṃ jujhārā. rāmahi samara na jītanihārā..
kā ācaraju bharatu asa karahīṃ. nahiṃ biṣa bēli amia phala pharahīṃ..
चौपाई
hōhu saomjōila rōkahu ghāṭā. ṭhāṭahu sakala marai kē ṭhāṭā..
sanamukha lōha bharata sana lēūom. jiata na surasari utarana dēūom..
samara maranu puni surasari tīrā. rāma kāju chanabhaṃgu sarīrā..
bharata bhāi nṛpu mai jana nīcū. baḍaēṃ bhāga asi pāia mīcū..
svāmi kāja karihauom rana rārī. jasa dhavalihauom bhuvana dasa cārī..
tajauom prāna raghunātha nihōrēṃ. duhūom hātha muda mōdaka mōrēṃ..
sādhu samāja na jākara lēkhā. rāma bhagata mahuom jāsu na rēkhā..
jāyaom jiata jaga sō mahi bhārū. jananī jaubana biṭapa kuṭhārū..
