चौपाई
अवगुन तजि सब के गुन गहहीं। बिप्र धेनु हित संकट सहहीं।।
नीति निपुन जिन्ह कइ जग लीका। घर तुम्हार तिन्ह कर मनु नीका।।
गुन तुम्हार समुझइ निज दोसा। जेहि सब भाँति तुम्हार भरोसा।।
राम भगत प्रिय लागहिं जेही। तेहि उर बसहु सहित बैदेही।।
जाति पाँति धनु धरम बड़ाई। प्रिय परिवार सदन सुखदाई।।
सब तजि तुम्हहि रहइ उर लाई। तेहि के हृदयँ रहहु रघुराई।।
सरगु नरकु अपबरगु समाना। जहँ तहँ देख धरें धनु बाना।।
करम बचन मन राउर चेरा। राम करहु तेहि कें उर डेरा।।
दोहा/सोरठा
जाहि न चाहिअ कबहुँ कछु तुम्ह सन सहज सनेहु।
बसहु निरंतर तासु मन सो राउर निज गेहु।।131।।
चौपाई
एहि बिधि मुनिबर भवन देखाए। बचन सप्रेम राम मन भाए।।
कह मुनि सुनहु भानुकुलनायक। आश्रम कहउँ समय सुखदायक।।
चित्रकूट गिरि करहु निवासू। तहँ तुम्हार सब भाँति सुपासू।।
सैलु सुहावन कानन चारू। करि केहरि मृग बिहग बिहारू।।
नदी पुनीत पुरान बखानी। अत्रिप्रिया निज तपबल आनी।।
सुरसरि धार नाउँ मंदाकिनि। जो सब पातक पोतक डाकिनि।।
अत्रि आदि मुनिबर बहु बसहीं। करहिं जोग जप तप तन कसहीं।।
चलहु सफल श्रम सब कर करहू। राम देहु गौरव गिरिबरहू।।
दोहा/सोरठा
चित्रकूट महिमा अमित कहीं महामुनि गाइ।
आए नहाए सरित बर सिय समेत दोउ भाइ।।132।।
चौपाई
avaguna taji saba kē guna gahahīṃ. bipra dhēnu hita saṃkaṭa sahahīṃ..
nīti nipuna jinha kai jaga līkā. ghara tumhāra tinha kara manu nīkā..
guna tumhāra samujhai nija dōsā. jēhi saba bhāomti tumhāra bharōsā..
rāma bhagata priya lāgahiṃ jēhī. tēhi ura basahu sahita baidēhī..
jāti pāomti dhanu dharama baḍaāī. priya parivāra sadana sukhadāī..
saba taji tumhahi rahai ura lāī. tēhi kē hṛdayaom rahahu raghurāī..
saragu naraku apabaragu samānā. jahaom tahaom dēkha dharēṃ dhanu bānā..
karama bacana mana rāura cērā. rāma karahu tēhi kēṃ ura ḍērā..
चौपाई
ēhi bidhi munibara bhavana dēkhāē. bacana saprēma rāma mana bhāē..
kaha muni sunahu bhānukulanāyaka. āśrama kahauom samaya sukhadāyaka..
citrakūṭa giri karahu nivāsū. tahaom tumhāra saba bhāomti supāsū..
sailu suhāvana kānana cārū. kari kēhari mṛga bihaga bihārū..
nadī punīta purāna bakhānī. atripriyā nija tapabala ānī..
surasari dhāra nāuom maṃdākini. jō saba pātaka pōtaka ḍākini..
atri ādi munibara bahu basahīṃ. karahiṃ jōga japa tapa tana kasahīṃ..
calahu saphala śrama saba kara karahū. rāma dēhu gaurava giribarahū..
