चौपाई
उतरु न देइ दुसह रिस रूखी। मृगिन्ह चितव जनु बाघिनि भूखी।।
ब्याधि असाधि जानि तिन्ह त्यागी। चलीं कहत मतिमंद अभागी।।
राजु करत यह दैअँ बिगोई। कीन्हेसि अस जस करइ न कोई।।
एहि बिधि बिलपहिं पुर नर नारीं। देहिं कुचालिहि कोटिक गारीं।।
जरहिं बिषम जर लेहिं उसासा। कवनि राम बिनु जीवन आसा।।
बिपुल बियोग प्रजा अकुलानी। जनु जलचर गन सूखत पानी।।
अति बिषाद बस लोग लोगाई। गए मातु पहिं रामु गोसाई।।
मुख प्रसन्न चित चौगुन चाऊ। मिटा सोचु जनि राखै राऊ।।
दोहा/सोरठा
नव गयंदु रघुबीर मनु राजु अलान समान।
छूट जानि बन गवनु सुनि उर अनंदु अधिकान।।51।।
चौपाई
रघुकुलतिलक जोरि दोउ हाथा। मुदित मातु पद नायउ माथा।।
दीन्हि असीस लाइ उर लीन्हे। भूषन बसन निछावरि कीन्हे।।
बार बार मुख चुंबति माता। नयन नेह जलु पुलकित गाता।।
गोद राखि पुनि हृदयँ लगाए। स्त्रवत प्रेनरस पयद सुहाए।।
प्रेमु प्रमोदु न कछु कहि जाई। रंक धनद पदबी जनु पाई।।
सादर सुंदर बदनु निहारी। बोली मधुर बचन महतारी।।
कहहु तात जननी बलिहारी। कबहिं लगन मुद मंगलकारी।।
सुकृत सील सुख सीवँ सुहाई। जनम लाभ कइ अवधि अघाई।।
दोहा/सोरठा
जेहि चाहत नर नारि सब अति आरत एहि भाँति।
जिमि चातक चातकि तृषित बृष्टि सरद रितु स्वाति।।52।।
चौपाई
utaru na dēi dusaha risa rūkhī. mṛginha citava janu bāghini bhūkhī..
byādhi asādhi jāni tinha tyāgī. calīṃ kahata matimaṃda abhāgī..
rāju karata yaha daiaom bigōī. kīnhēsi asa jasa karai na kōī..
ēhi bidhi bilapahiṃ pura nara nārīṃ. dēhiṃ kucālihi kōṭika gārīṃ..
jarahiṃ biṣama jara lēhiṃ usāsā. kavani rāma binu jīvana āsā..
bipula biyōga prajā akulānī. janu jalacara gana sūkhata pānī..
ati biṣāda basa lōga lōgāī. gaē mātu pahiṃ rāmu gōsāī..
mukha prasanna cita cauguna cāū. miṭā sōcu jani rākhai rāū..
चौपाई
raghukulatilaka jōri dōu hāthā. mudita mātu pada nāyau māthā..
dīnhi asīsa lāi ura līnhē. bhūṣana basana nichāvari kīnhē..
bāra bāra mukha cuṃbati mātā. nayana nēha jalu pulakita gātā..
gōda rākhi puni hṛdayaom lagāē. stravata prēnarasa payada suhāē..
prēmu pramōdu na kachu kahi jāī. raṃka dhanada padabī janu pāī..
sādara suṃdara badanu nihārī. bōlī madhura bacana mahatārī..
kahahu tāta jananī balihārī. kabahiṃ lagana muda maṃgalakārī..
sukṛta sīla sukha sīvaom suhāī. janama lābha kai avadhi aghāī..
