चौपाई
आनहु रामहि बेगि बोलाई। समाचार तब पूँछेहु आई।।
चलेउ सुमंत्र राय रूख जानी। लखी कुचालि कीन्हि कछु रानी।।
सोच बिकल मग परइ न पाऊ। रामहि बोलि कहिहि का राऊ।।
उर धरि धीरजु गयउ दुआरें। पूछँहिं सकल देखि मनु मारें।।
समाधानु करि सो सबही का। गयउ जहाँ दिनकर कुल टीका।।
रामु सुमंत्रहि आवत देखा। आदरु कीन्ह पिता सम लेखा।।
निरखि बदनु कहि भूप रजाई। रघुकुलदीपहि चलेउ लेवाई।।
रामु कुभाँति सचिव सँग जाहीं। देखि लोग जहँ तहँ बिलखाहीं।।
दोहा/सोरठा
जाइ दीख रघुबंसमनि नरपति निपट कुसाजु।।
सहमि परेउ लखि सिंघिनिहि मनहुँ बृद्ध गजराजु।।39।।
चौपाई
सूखहिं अधर जरइ सबु अंगू। मनहुँ दीन मनिहीन भुअंगू।।
सरुष समीप दीखि कैकेई। मानहुँ मीचु घरी गनि लेई।।
करुनामय मृदु राम सुभाऊ। प्रथम दीख दुखु सुना न काऊ।।
तदपि धीर धरि समउ बिचारी। पूँछी मधुर बचन महतारी।।
मोहि कहु मातु तात दुख कारन। करिअ जतन जेहिं होइ निवारन।।
सुनहु राम सबु कारन एहू। राजहि तुम पर बहुत सनेहू।।
देन कहेन्हि मोहि दुइ बरदाना। मागेउँ जो कछु मोहि सोहाना।
सो सुनि भयउ भूप उर सोचू। छाड़ि न सकहिं तुम्हार सँकोचू।।
दोहा/सोरठा
सुत सनेह इत बचनु उत संकट परेउ नरेसु।
सकहु न आयसु धरहु सिर मेटहु कठिन कलेसु।।40।।
चौपाई
ānahu rāmahi bēgi bōlāī. samācāra taba pūomchēhu āī..
calēu sumaṃtra rāya rūkha jānī. lakhī kucāli kīnhi kachu rānī..
sōca bikala maga parai na pāū. rāmahi bōli kahihi kā rāū..
ura dhari dhīraju gayau duārēṃ. pūchaomhiṃ sakala dēkhi manu mārēṃ..
samādhānu kari sō sabahī kā. gayau jahāom dinakara kula ṭīkā..
rāmu sumaṃtrahi āvata dēkhā. ādaru kīnha pitā sama lēkhā..
nirakhi badanu kahi bhūpa rajāī. raghukuladīpahi calēu lēvāī..
rāmu kubhāomti saciva saomga jāhīṃ. dēkhi lōga jahaom tahaom bilakhāhīṃ..
चौपाई
sūkhahiṃ adhara jarai sabu aṃgū. manahuom dīna manihīna bhuaṃgū..
saruṣa samīpa dīkhi kaikēī. mānahuom mīcu gharī gani lēī..
karunāmaya mṛdu rāma subhāū. prathama dīkha dukhu sunā na kāū..
tadapi dhīra dhari samau bicārī. pūomchī madhura bacana mahatārī..
mōhi kahu mātu tāta dukha kārana. karia jatana jēhiṃ hōi nivārana..
sunahu rāma sabu kārana ēhū. rājahi tuma para bahuta sanēhū..
dēna kahēnhi mōhi dui baradānā. māgēuom jō kachu mōhi sōhānā.
sō suni bhayau bhūpa ura sōcū. chāḍai na sakahiṃ tumhāra saomkōcū..
