चौपाई
लखि सनेह सुनि बचन बिनीता। जनकप्रिया गह पाय पुनीता।।
देबि उचित असि बिनय तुम्हारी। दसरथ घरिनि राम महतारी।।
प्रभु अपने नीचहु आदरहीं। अगिनि धूम गिरि सिर तिनु धरहीं।।
सेवकु राउ करम मन बानी। सदा सहाय महेसु भवानी।।
रउरे अंग जोगु जग को है। दीप सहाय कि दिनकर सोहै।।
रामु जाइ बनु करि सुर काजू। अचल अवधपुर करिहहिं राजू।।
अमर नाग नर राम बाहुबल। सुख बसिहहिं अपनें अपने थल।।
यह सब जागबलिक कहि राखा। देबि न होइ मुधा मुनि भाषा।।
दोहा/सोरठा
अस कहि पग परि पेम अति सिय हित बिनय सुनाइ।।
सिय समेत सियमातु तब चली सुआयसु पाइ।।285।।
चौपाई
प्रिय परिजनहि मिली बैदेही। जो जेहि जोगु भाँति तेहि तेही।।
तापस बेष जानकी देखी। भा सबु बिकल बिषाद बिसेषी।।
जनक राम गुर आयसु पाई। चले थलहि सिय देखी आई।।
लीन्हि लाइ उर जनक जानकी। पाहुन पावन पेम प्रान की।।
उर उमगेउ अंबुधि अनुरागू। भयउ भूप मनु मनहुँ पयागू।।
सिय सनेह बटु बाढ़त जोहा। ता पर राम पेम सिसु सोहा।।
चिरजीवी मुनि ग्यान बिकल जनु। बूड़त लहेउ बाल अवलंबनु।।
मोह मगन मति नहिं बिदेह की। महिमा सिय रघुबर सनेह की।।
दोहा/सोरठा
सिय पितु मातु सनेह बस बिकल न सकी सँभारि।
धरनिसुताँ धीरजु धरेउ समउ सुधरमु बिचारि।।286।।
चौपाई
lakhi sanēha suni bacana binītā. janakapriyā gaha pāya punītā..
dēbi ucita asi binaya tumhārī. dasaratha gharini rāma mahatārī..
prabhu apanē nīcahu ādarahīṃ. agini dhūma giri sira tinu dharahīṃ..
sēvaku rāu karama mana bānī. sadā sahāya mahēsu bhavānī..
raurē aṃga jōgu jaga kō hai. dīpa sahāya ki dinakara sōhai..
rāmu jāi banu kari sura kājū. acala avadhapura karihahiṃ rājū..
amara nāga nara rāma bāhubala. sukha basihahiṃ apanēṃ apanē thala..
yaha saba jāgabalika kahi rākhā. dēbi na hōi mudhā muni bhāṣā..
चौपाई
priya parijanahi milī baidēhī. jō jēhi jōgu bhāomti tēhi tēhī..
tāpasa bēṣa jānakī dēkhī. bhā sabu bikala biṣāda bisēṣī..
janaka rāma gura āyasu pāī. calē thalahi siya dēkhī āī..
līnhi lāi ura janaka jānakī. pāhuna pāvana pēma prāna kī..
ura umagēu aṃbudhi anurāgū. bhayau bhūpa manu manahuom payāgū..
siya sanēha baṭu bāḍhata jōhā. tā para rāma pēma sisu sōhā..
cirajīvī muni gyāna bikala janu. būḍata lahēu bāla avalaṃbanu..
mōha magana mati nahiṃ bidēha kī. mahimā siya raghubara sanēha kī..
