चौपाई
कामद मे गिरि राम प्रसादा। अवलोकत अपहरत बिषादा।।
सर सरिता बन भूमि बिभागा। जनु उमगत आनँद अनुरागा।।
बेलि बिटप सब सफल सफूला। बोलत खग मृग अलि अनुकूला।।
तेहि अवसर बन अधिक उछाहू। त्रिबिध समीर सुखद सब काहू।।
जाइ न बरनि मनोहरताई। जनु महि करति जनक पहुनाई।।
तब सब लोग नहाइ नहाई। राम जनक मुनि आयसु पाई।।
देखि देखि तरुबर अनुरागे। जहँ तहँ पुरजन उतरन लागे।।
दल फल मूल कंद बिधि नाना। पावन सुंदर सुधा समाना।।
दोहा/सोरठा
सादर सब कहँ रामगुर पठए भरि भरि भार।
पूजि पितर सुर अतिथि गुर लगे करन फरहार।।279।।
चौपाई
एहि बिधि बासर बीते चारी। रामु निरखि नर नारि सुखारी।।
दुहु समाज असि रुचि मन माहीं। बिनु सिय राम फिरब भल नाहीं।।
सीता राम संग बनबासू। कोटि अमरपुर सरिस सुपासू।।
परिहरि लखन रामु बैदेही। जेहि घरु भाव बाम बिधि तेही।।
दाहिन दइउ होइ जब सबही। राम समीप बसिअ बन तबही।।
मंदाकिनि मज्जनु तिहु काला। राम दरसु मुद मंगल माला।।
अटनु राम गिरि बन तापस थल। असनु अमिअ सम कंद मूल फल।।
सुख समेत संबत दुइ साता। पल सम होहिं न जनिअहिं जाता।।
दोहा/सोरठा
एहि सुख जोग न लोग सब कहहिं कहाँ अस भागु।।
सहज सुभायँ समाज दुहु राम चरन अनुरागु।।280।।
चौपाई
kāmada mē giri rāma prasādā. avalōkata apaharata biṣādā..
sara saritā bana bhūmi bibhāgā. janu umagata ānaomda anurāgā..
bēli biṭapa saba saphala saphūlā. bōlata khaga mṛga ali anukūlā..
tēhi avasara bana adhika uchāhū. tribidha samīra sukhada saba kāhū..
jāi na barani manōharatāī. janu mahi karati janaka pahunāī..
taba saba lōga nahāi nahāī. rāma janaka muni āyasu pāī..
dēkhi dēkhi tarubara anurāgē. jahaom tahaom purajana utarana lāgē..
dala phala mūla kaṃda bidhi nānā. pāvana suṃdara sudhā samānā..
चौपाई
ēhi bidhi bāsara bītē cārī. rāmu nirakhi nara nāri sukhārī..
duhu samāja asi ruci mana māhīṃ. binu siya rāma phiraba bhala nāhīṃ..
sītā rāma saṃga banabāsū. kōṭi amarapura sarisa supāsū..
parihari lakhana rāmu baidēhī. jēhi gharu bhāva bāma bidhi tēhī..
dāhina daiu hōi jaba sabahī. rāma samīpa basia bana tabahī..
maṃdākini majjanu tihu kālā. rāma darasu muda maṃgala mālā..
aṭanu rāma giri bana tāpasa thala. asanu amia sama kaṃda mūla phala..
sukha samēta saṃbata dui sātā. pala sama hōhiṃ na janiahiṃ jātā..
