चौपाई
कहौं कहावौं का अब स्वामी। कृपा अंबुनिधि अंतरजामी।।
गुर प्रसन्न साहिब अनुकूला। मिटी मलिन मन कलपित सूला।।
अपडर डरेउँ न सोच समूलें। रबिहि न दोसु देव दिसि भूलें।।
मोर अभागु मातु कुटिलाई। बिधि गति बिषम काल कठिनाई।।
पाउ रोपि सब मिलि मोहि घाला। प्रनतपाल पन आपन पाला।।
यह नइ रीति न राउरि होई। लोकहुँ बेद बिदित नहिं गोई।।
जगु अनभल भल एकु गोसाईं। कहिअ होइ भल कासु भलाईं।।
देउ देवतरु सरिस सुभाऊ। सनमुख बिमुख न काहुहि काऊ।।
दोहा/सोरठा
जाइ निकट पहिचानि तरु छाहँ समनि सब सोच।
मागत अभिमत पाव जग राउ रंकु भल पोच।।267।।
चौपाई
लखि सब बिधि गुर स्वामि सनेहू। मिटेउ छोभु नहिं मन संदेहू।।
अब करुनाकर कीजिअ सोई। जन हित प्रभु चित छोभु न होई।।
जो सेवकु साहिबहि सँकोची। निज हित चहइ तासु मति पोची।।
सेवक हित साहिब सेवकाई। करै सकल सुख लोभ बिहाई।।
स्वारथु नाथ फिरें सबही का। किएँ रजाइ कोटि बिधि नीका।।
यह स्वारथ परमारथ सारु। सकल सुकृत फल सुगति सिंगारु।।
देव एक बिनती सुनि मोरी। उचित होइ तस करब बहोरी।।
तिलक समाजु साजि सबु आना। करिअ सुफल प्रभु जौं मनु माना।।
दोहा/सोरठा
सानुज पठइअ मोहि बन कीजिअ सबहि सनाथ।
नतरु फेरिअहिं बंधु दोउ नाथ चलौं मैं साथ।।268।।
चौपाई
kahauṃ kahāvauṃ kā aba svāmī. kṛpā aṃbunidhi aṃtarajāmī..
gura prasanna sāhiba anukūlā. miṭī malina mana kalapita sūlā..
apaḍara ḍarēuom na sōca samūlēṃ. rabihi na dōsu dēva disi bhūlēṃ..
mōra abhāgu mātu kuṭilāī. bidhi gati biṣama kāla kaṭhināī..
pāu rōpi saba mili mōhi ghālā. pranatapāla pana āpana pālā..
yaha nai rīti na rāuri hōī. lōkahuom bēda bidita nahiṃ gōī..
jagu anabhala bhala ēku gōsāīṃ. kahia hōi bhala kāsu bhalāīṃ..
dēu dēvataru sarisa subhāū. sanamukha bimukha na kāhuhi kāū..
चौपाई
lakhi saba bidhi gura svāmi sanēhū. miṭēu chōbhu nahiṃ mana saṃdēhū..
aba karunākara kījia sōī. jana hita prabhu cita chōbhu na hōī..
jō sēvaku sāhibahi saomkōcī. nija hita cahai tāsu mati pōcī..
sēvaka hita sāhiba sēvakāī. karai sakala sukha lōbha bihāī..
svārathu nātha phirēṃ sabahī kā. kiēom rajāi kōṭi bidhi nīkā..
yaha svāratha paramāratha sāru. sakala sukṛta phala sugati siṃgāru..
dēva ēka binatī suni mōrī. ucita hōi tasa karaba bahōrī..
tilaka samāju sāji sabu ānā. karia suphala prabhu jauṃ manu mānā..
