चौपाई
कोपभवन सुनि सकुचेउ राउ। भय बस अगहुड़ परइ न पाऊ।।
सुरपति बसइ बाहँबल जाके। नरपति सकल रहहिं रुख ताकें।।
सो सुनि तिय रिस गयउ सुखाई। देखहु काम प्रताप बड़ाई।।
सूल कुलिस असि अँगवनिहारे। ते रतिनाथ सुमन सर मारे।।
सभय नरेसु प्रिया पहिं गयऊ। देखि दसा दुखु दारुन भयऊ।।
भूमि सयन पटु मोट पुराना। दिए डारि तन भूषण नाना।।
कुमतिहि कसि कुबेषता फाबी। अन अहिवातु सूच जनु भाबी।।
जाइ निकट नृपु कह मृदु बानी। प्रानप्रिया केहि हेतु रिसानी।।
चौपाई
अनहित तोर प्रिया केइँ कीन्हा। केहि दुइ सिर केहि जमु चह लीन्हा।।
कहु केहि रंकहि करौ नरेसू। कहु केहि नृपहि निकासौं देसू।।
सकउँ तोर अरि अमरउ मारी। काह कीट बपुरे नर नारी।।
जानसि मोर सुभाउ बरोरू। मनु तव आनन चंद चकोरू।।
प्रिया प्रान सुत सरबसु मोरें। परिजन प्रजा सकल बस तोरें।।
जौं कछु कहौ कपटु करि तोही। भामिनि राम सपथ सत मोही।।
बिहसि मागु मनभावति बाता। भूषन सजहि मनोहर गाता।।
घरी कुघरी समुझि जियँ देखू। बेगि प्रिया परिहरहि कुबेषू।।
दोहा/सोरठा
यह सुनि मन गुनि सपथ बड़ि बिहसि उठी मतिमंद।
भूषन सजति बिलोकि मृगु मनहुँ किरातिनि फंद।।26।।
चौपाई
kōpabhavana suni sakucēu rāu. bhaya basa agahuḍa parai na pāū..
surapati basai bāhaombala jākē. narapati sakala rahahiṃ rukha tākēṃ..
sō suni tiya risa gayau sukhāī. dēkhahu kāma pratāpa baḍaāī..
sūla kulisa asi aomgavanihārē. tē ratinātha sumana sara mārē..
sabhaya narēsu priyā pahiṃ gayaū. dēkhi dasā dukhu dāruna bhayaū..
bhūmi sayana paṭu mōṭa purānā. diē ḍāri tana bhūṣaṇa nānā..
kumatihi kasi kubēṣatā phābī. ana ahivātu sūca janu bhābī..
jāi nikaṭa nṛpu kaha mṛdu bānī. prānapriyā kēhi hētu risānī..
चौपाई
anahita tōra priyā kēiom kīnhā. kēhi dui sira kēhi jamu caha līnhā..
kahu kēhi raṃkahi karau narēsū. kahu kēhi nṛpahi nikāsauṃ dēsū..
sakauom tōra ari amarau mārī. kāha kīṭa bapurē nara nārī..
jānasi mōra subhāu barōrū. manu tava ānana caṃda cakōrū..
priyā prāna suta sarabasu mōrēṃ. parijana prajā sakala basa tōrēṃ..
jauṃ kachu kahau kapaṭu kari tōhī. bhāmini rāma sapatha sata mōhī..
bihasi māgu manabhāvati bātā. bhūṣana sajahi manōhara gātā..
gharī kugharī samujhi jiyaom dēkhū. bēgi priyā pariharahi kubēṣū..
